Futzal. Türkmenabat şäheriniň Kubogy: Finalçylar belli boldy

21.12.2024ý.

Ozal hem habar berşimiz ýaly, 2024-nji ýylyň 24-nji noýabr güni Lebap welaýatynyň Türkmenabat şäherinde Türkmenistanyň Baky Bitaraplygynyň 29 ýyllygyna bagyşlanan futzal boýunça Türkmenabat şäheriniň Kubogyny almak ugrundaky ýaryşy badalda aldy. 

Şu gün, 21-nji dekabrda Lebap welaýatynyň Türkmenabat şäheriniň 1-nji sport mekdebiniň sport zalynda Türkmenabat şäheriniň Kubogyny almak ugrundaky futzal boýunça ýaryşynyň ýarymfinal duşuşyklary geçirildi. Ýagny, “Gurluşykçy” bilen “Zara” (11:00-da) hem-de “Bagtyýarlyk” bilen “Bäş dogan” (12:00-da) toparlary duşuşdylar.

Ýaryşyň birinji ýarym finalynda «Gurluşykçy» futzal topary «Zara» futzal toparyny 6:3 hasabynda utmagy başardy.

Ikinji ýarym finalynda bolsa «Bagtyýarlyk» futzal topary «Bäş dogan» futzal toparyny 10:7 hasabyndan ýeňlişe sezewar edip, finala çykmagy başardy.

Şeýlelikde, «Gurluşykçy» futzal topary futzal boýunça Türkmenabat şäheriniň Kubogyny almak ugrundaky bäsleşiginiň finalynda «Bagtyýarlyk» futzal topary bilen güýç synanyşar. 

Üçünji orny eýelemek ugrundaky duşuşykda bolsa «Zara» bilen «Bäş dogan» toparlarynyň arasynda geçiriler. 

Türkmenabat şäheriniň Kubogyny almak ugrundaky futzal boýunça ýaryşy

Ýarymfinal duşuşyklary:

21.12.2024ý. (şende)

«Gurluşykçy» – «Zara» – 6:3

«Bagtyýarlyk» – «Bäş dogan» – 10:7

Jemleýji duşuşyklar:

22.12.2024ý. (ýekşende)

3-nji orun üçin duşuşyk: 

11:00 | «Zara» – «Bäş dogan»

Final duşuşygy (1-nji orun üçin duşuşyk):

12:00 | «Gurluşykçy» – «Bagtyýarlyk»

Bellik: Ýaryş Lebap welaýatynyň Türkmenabat şäheriniň 1-nji sport mekdebiniň sport zalynda geçirilýär.

Bizi yzarlaň, biziň bilen galyň!