www.jankoyer.com.tm
Futzal. Türkmenabat şäheriniň Kubogy ýaryşy badalga aldy
25.11.2024ý.
Berkarar döwletimiziň bagtyýarlyk döwrüniň hözirini görüp ýaşaýan watandaşlarymyz Türkmenistanyň Bitaraplyk derejesine eýe bolmagynyň 29-ýyllyk baýramçylygynyň şanly toýuna taýýarlyk görýärler.
Düýn ýagny, 2024-nji ýylyň 24-nji noýabr güni Lebap welaýatynyň Türkmenabat şäherinde ýetip gelýän şanly baýramçylyga – Türkmenistanyň Baky Bitaraplygynyň 29 ýyllygyna bagyşlanan futzal boýunça Türkmenabat şäheriniň Kubogyny almak ugrundaky ýaryşyň açylyş dabarasy boldy. Ýaryşyň ilkinji ýagny, açylyş güninde «Bagtyýarlyk» futzal topary «Kerki» toparyny 11:8, «Amul» futzal topary «Farap» toparyny 9:4, «Zara» futzal topary «Jeýhun» toparyny 11:2 we «Gurluşykçy» futzal topary «Köpetdag» toparyny 8:4 hasabynda utmagy başardy.
Ýaryş 2024-nji ýylyň 24-nji noýabryndan 22-nji dekabry aralygynda Lebap welaýatynyň Türkmenabat şäheriniň 1-nji sport mekdebiniň sport zalynda geçirilýär.
Ýaryşda 10 topar 2 toparça bölünip özara güýç synanyşar. Toparlar bir aýlawdan ybarat biri-biri bilen bir gezek duşuşýarlar. Düzgünnama laýyklykda, ýaryşda toparlaryň orunlary ähli oýunlarda topar tarapyndan toplanan utuklaryň has köp möçberi boýunça kesgitlenilýär. Ýeňiş üçin 3 utuk, deňlik üçin 1 utuk, utulandygy üçin 0 utuk hasaplanylýar.
Eger-de iki we ondan hem köp toparyň utuklaryň sany deň bolan ýagdaýynda häzirki ýa-da jemleýji tablisada orunlar aşakdaky ýaly kesgitlenilýär:
- öz aralarynda oýnalan oýunlaryň netijesi boýunça (utuklaryň sany, ýeňişleriň sany, geçiren we geçirden toplarynyň tapawudy, geçiren toplaryň sany, geçiren toplaryň sany myhmançylykda), ýaryşda başa-baş duşuşygynda tehniki utulyşy bolan ýagdaýynda, aşaky orny eýeleýär;
- ähli duşuşyklarda ýeňişleriň iň köp sany boýunça;
- ähli oýunlarda geçiren we geçirden toplaryň gowy tapawudy boýunça;
- ähli oýunlarda geçiren toplaryň sany boýunça;
- topar boýunça jerime utuklarynyň az sany boýunça: oýunda duýduryş (sary kart) - 1 utuk, oýundan çykarylmak (gyzyl kart) – 3 jerime utugy;
- bije atmak boýunça.
Kubok ýaryşynyň ýarym finalynda A1 – B2, B1 – A2 toparlar duşuşýarlar. Ýarym finaldaky ýeňijiler jemleýji duşuşykda (final), ýeňlen toparlar 3-nji orun üçin duşuşýarlar.
Dört hepde dowam etjek ýaryşyň ýeňijilerine Lebap welaýatynyň bedenterbiýe we sport baradaky baş müdirligi tarapyndan Kubok hem-de sowgatlary bilen sylaglanar. Olara dabaraly ýagdaýda Hormat hatlary hem gowşurylar.
Futzal boýunça Türkmenabat şäheriniň Kubogyny almak ugrundaky ýaryşyna futzal toparlaryň 10-sy gatnaşýar.
Ýaryşa gatnaşýan futzal toparlaryň sanawy:
1. «Bäş dogan» futzal topary,
2. «Köpetdag» futzal topary,
3. «Amul» futzal topary,
4. «Farap» futzal topary,
5. «Gurluşykçy» futzal topary,
6. «Amuderýa» futzal topary,
7. «Jeýhun» futzal topary,
8. «Bagtyýarlyk» futzal topary,
9. «Kerki» futzal topary,
10. «Zara» futzal topary.
Ýaryşyň senenamasy “A” we “B” toparçalara 5 topardan bölünendir.
Türkmenabat şäheriniň Kubogyny almak ugrundaky futzal boýunça ýaryşynyň senenamasy:
«A» toparça:
1. «Bäş dogan» futzal topary,
2. «Köpetdag» futzal topary,
3. «Amul» futzal topary,
4. «Farap» futzal topary,
5. «Gurluşykçy» futzal topary.
«B» toparça:
1. «Amuderýa» futzal topary,
2. «Jeýhun» futzal topary,
3. «Bagtyýarlyk» futzal topary,
4. «Kerki» futzal topary,
5. «Zara» futzal topary.
I tapgyr: 24.11.2024ý. (ýekşende)
«A» toparça:
«Bäş dogan» – Dynç güni
«Köpetdag» – «Gurluşykçy» – 4:8
«Amul» – «Farap» – 9:4
«B» toparça:
«Amuderýa» – Dynç güni
«Jeýhun» – «Zara» – 2:11
«Bagtyýarlyk» – «Kerki» – 11:8
II tapgyr: 01.12.2024ý. (ýekşende)
«A» toparça:
«Bäş dogan» – «Gurluşykçy»
«Farap» – Dynç güni
«Köpetdag» – «Amul»
«B» toparça:
«Amuderýa» – «Zara»
«Kerki» – Dynç güni
«Jeýhun» – «Bagtyýarlyk»
III tapgyr: 08.12.2024ý. (ýekşende)
«A» toparça:
«Bäş dogan» – «Farap»
«Gurluşykçy» – «Amul»
«Köpetdag» – Dynç güni
«B» toparça:
«Amuderýa» – «Kerki»
«Zara» – «Bagtyýarlyk»
«Jeýhun» – Dynç güni
IV tapgyr: 12.12.2024ý. (penşenbe)
«A» toparça:
«Bäş dogan» – «Amul»
«Farap» – «Köpetdag»
«Gurluşykçy» – Dynç güni
«B» toparça:
«Amuderýa» – «Bagtyýarlyk»
«Kerki» – «Jeýhun»
«Zara» – Dynç güni
V tapgyr: 15.12.2024ý. (ýekşende)
«A» toparça:
«Bäş dogan» – «Köpetdag»
«Farap» – «Gurluşykçy»
«Amul» – Dynç güni
«B» toparça:
«Amuderýa» – «Jeýhun»
«Kerki» – «Zara»
«Bagtyýarlyk» – Dynç güni
Ýarymfinal duşuşyklary: 21.12.2024ý. (şende)
1-nji orun «A» toparçadan – 2-nji orun «B» toparçadan
1-nji orun «B» toparçadan – 2-nji orun «A» toparçadan
Jemleýji duşuşyklar: 22.12.2024ý. (ýekşende)
3-nji orun üçin duşuşyk:
Final duşuşygy (1-nji orun üçin duşuşyk):
Bellik: Ýaryş Lebap welaýatynyň Türkmenabat şäheriniň 1-nji sport mekdebiniň sport zalynda geçirilýär.
Bizi yzarlaň, biziň bilen galyň!
