TÝL - 2026. 9-njy tapgyryň ähli duşuşyklary geçiriler

Türkmenistanyň futbol boýunça Ýokary ligasynda 9-njy tapgyryň duşuşyklary 20-nji maýda geçiriler. Nobatdaky tapgyrda janköýerler dört gyzykly garşylaşyga şaýat bolarlar.

Tapgyryň merkezi duşuşygy Aşgabat şäherindäki "Aşgabat" stadionynda geçiriler. Bu ýerde «Ahal» topary häzirki çempion «Arkadag» toparyny kabul eder. Duşuşyk sagat 17:00-da başlanar.

Türkmenbaşy şäherindäki "Şagadam" stadionynda «Şagadam» topary «Aşgabat» topary bilen duşuşar. Garşylaşygyň başlangyç sesi sagat 17:15-de ýaňlanar.

Aşgabat şäheriniň Büzmeýin etrabyndaky "Sport toplumy" stadionynda «Altyn Asyr» topary «Köpetdag» toparyny kabul eder. Bu duşuşyk sagat 17:30-da başlanar.

Tapgyryň ýene bir oýny Balkanabat şäherindäki "Sport toplumy" stadionynda geçiriler. Bu ýerde «Nebitçi» topary «Merw» topary bilen güýç synanyşar. Duşuşyk sagat 18:15-de başlanar.

Duşuşyklaryň netijelerini we ýaryşyň tablisasyny biziň "Netijeler" bölümimizden yzarlap bilersiňiz.