Türkmenistanyň ýaşlar birinjiliklerine badalga berildi

Türkmenistanyň Futbol federasiýasy şu ýyldan başlap Ýokary liganyň futbol klublarynyň ýanyndaky 15 hem-de 17 ýaşa çenli ýetginjeklerden düzülen toparlaryň gatnaşmagynda ýurdumyzyň ýaşlar birinjiligini geçirmegi ýola goýdy.

15 ýaşa çenli ýetginjeklerden düzülen toparlaryň gatnaşmagyndaky birinjilige 24-nji martda badalga berildi. Bu ýaş derejesinde jemi 8 topar – “Arkadag U15”, “Ahal U15”, “Altyn Asyr U15”, “Şagadam U15”, “Nebitçi U15”, “Aşgabat U15”, “Köpetdag U15” hem-de “Merw U15” toparlary baş baýrak ugrunda bäsleşerler. 15 ýaşa çenli ýetginjekleriň 1-nji tapgyrynyň duşuşyklary 24-nji martda geçiriler: “Arkadag U15” – “Ahal U15”, “Altyn Asyr U15” – “Köpetdag U15”, “Nebitçi U15” – “Aşgabat U15”, “Şagadam U15” – “Merw U15”.

17 ýaşa çenli ýetginjeklerden düzülen toparlaryň gatnaşmagyndaky birinjilik bolsa, 23-nji martda başlandy. Bu ýaş derejesinde hem 8 topar – “Arkadag U17”, “Ahal U17”, “Altyn Asyr U17”, “Şagadam U17”, “Nebitçi U17”, “Aşgabat U17”, “Köpetdag U17” hem-de “Merw U17” çykyş ederler.

Birinji tapgyryň netijeleri: “Şagadam U17” – “Ahal U17” – 0:3, “Nebitçi U17” – “Altyn Asyr U17” – 1:1, “Köpetdag U17” – “Merw U17” – 1:5, “Aşgabat U17” – “Arkadag U17” – 1:1.

Iki ýaş derejesinde geçiriljek ýurdumyzyň ýaşlar birinjilikleri iki aýlawdan ybarat bolar.

Çeşme: TFF