"Keýniň" liderligi: "Altyn top" ugrunda öňe saýlandy

Abraýly "Goal" neşiri "Altyn top" baýragy üçin dalaşgärleriň täzelenen sanawyny çap etdi. Sanawyň başynda «Bawariýa» toparynyň hüjümçisi Harri Keýn ýerleşdi.

Ikinji orny «Real Madrid» toparynyň oýunçysy Kilian Mbappe eýeleýär, üçünji orunda bolsa «Barselona» toparynyň ýaş ýyldyzy Lamin Ýamal bar.

Sanawyň galan bölegi şeýle dowam edýär:

4. «Bawariýa» toparyndan Maýkl Olise
5. «Bawariýa» toparyndan Luis Dias

Bu netijeler Keýniň ajaýyp möwsümi bilen bagly. Ol şu wagta çenli 40 duşuşykda 48 gol geçirip, 5 asist berdi.

Soňky tapgyrda hem ol tapawutlandy — «Uniona» garşy oýunda gol geçirip, toparynyň 4:0 hasabyndaky ýeňşine goşant goşdy.