UCL. Pleý-off tapgyrynda ilkinji gijäniň netijeleri we öňdäki duşuşyklar

17-nji fewraldan 18-nji fewrala geçilýän gije UEFA-nyň Çempionlar ligasynyň 1/16 final pleý-off tapgyrynyň ilkinji dört duşuşygy geçirildi.

Stambulda geçirilen oýunda «Galatasaraý» öz meýdançasynda «Ýuwentusy» 5:2 hasabynda ýeňdi. Türk klubynyň gollaryny Gabriel Sara, Dawinson Sançes, Saşa Boeý we Noa Lang (2 gol) geçirdi. Turin klubynda bolsa Teun Koopmeýners (2 gol) tapawutlandy. Duşuşygyň iň gowy oýunçysy: Gabriel Sara («Galatasaraý»).

Fransiýada geçirilen duşuşykda «PSŽ» myhmançylykda «Monakony» 3:2 hasabynda ýeňdi. Parižlilerden Dezire Due (2 gol) hem-de Aşraf Hakimi gol geçirdi. «Monakonyň» düzüminde Folarin Balogun (2 gol) tapawutlandy. Duşuşygyň iň gowy oýunçysy: Dezire Due («PSŽ»).

Lissabonda «Real Madrid» – «Benfikany» 1:0 hasabynda ýeňdi. Duşuşygyň ýeke-täk goluny Winisius Žunior geçirdi. Duşuşygyň iň gowy oýunçysy: Orelýen Çuameni («Real Madrid»).

Dortmundda «Borussiýa Dortmund» «Atalantany» 2:0 hasabynda ýeňdi. Gollary Seru Girassi hem-de Maksimilian Baýer geçirdi. Duşuşygyň iň gowy oýunçysy: Seru Girassi («Borussiýa Dortmund»).

Pleý-off tapgyry 19-njy fewral gijesi dowam eder. Aşgabat wagty bilen sagat 22:45-de «Karabah» öz meýdançasynda «Nýukasl Ýunaýted» bilen duşuşar. Sagat 01:00-da bolsa «Brýugge» – «Atletiko Madrid», «Bude-Glimt» – «Inter» hem-de «Olimpiakos» – «Baýer» duşuşyklary oýnalar.

Ýeri gelende bellesek, 2025/2026 möwsüminiň pleý-off duşuşyklaryny "Türkmenistan Sport" teleýaýlymy göni efirde görkezýär.

Göni ýaýlymda görkeziljek şu günki duşuşyklar (Aşgabat wagty): 18-nji fewral
22:45 — «Karabah» – «Nýukasl Ýunaýted»
01:00 — «Brýugge» – «Atletiko Madrid»