Ýewropada dynç günleriniň netijeleri

Ýewropanyň öňdebaryjy çempionatlarynda dynç günleriniň duşuşyklary tamamlandy we birnäçe gyzykly netijeler hasaba alyndy.

Angliýada kubok duşuşyklary geçirildi. Garaşylmadyk ýagdaýlar ýüze çykmady – «Liwerpul», «Mançester Siti», «Arsenal» we «Çelsi» indiki tapgyra çykdylar. 1/8 finalyň garşydaşlary bije çekişiginden soň belli bolar.

Ispaniýada «Real Madridiň» üstünlikli tapgyry dowam edýär. Klub La Ligada yzly-yzyna sekizinji ýeňşini gazanyp, wagtlaýynça ýaryşyň başyna geçdi. «Atletiko» bolsa «Raýo Walýekano» (0:3) bilen duşuşykda ýeňlip, üçünji orny «Wilýarreal» klubyna berdi. «Wilýarreal» öz gezegindäki duşuşygynda ýeňilse-de, gollaryň tapawudy boýunça ýokarlandy.

Italiýada «Inter» dartgynly geçen duşuşykda «Ýuwentusy» (3:2) ýeňip, birinji orny berkidip goýdy. Häzirki wagtda çempionlyk ugrunda göreşi dowam etdirip biljek ýeke-täk bäsdeş hökmünde «Milan» görkezilýär, beýleki toparlar ep-esli yza galdy.

Germaniýada «Bawariýa» – «Werderi» 3:0, «Borussiýa Dortmund» bolsa «Maýntsy» 4:0 hasabynda ýeňip, özara göreşini dowam etdirdi. Dortmund topary henizem alty utuk yza galýar.

Fransiýada garaşylmadyk ýagdaý boldy – «PSŽ» utuldy. Mundan peýdalanan «Lans» – «Pariži» 5:0 hasabynda ýeňip, ýaryşyň täze liderine öwrüldi.

Hepdäniň iň tapawutlanan futbolçylarynyň arasynda «Borussiýa Dortmundyň» oýunçysy Ýulian Rýuerson dört asist etdi, derwezeçi Ýustin Beýlo «Kremonenze» garşy duşuşykda sekiz urgyny gaýtardy. Şeýle hem, Braýan Gruda (1 gol, 1 asist), Manuel Lokatelli (1 gol we 10 göreşlerde ýeňiş) hem-de Uesli Said «Pariža» iki gol bilen tapawutlandy.