Ýewropada dynç günleriniň netijeleri

Ýewropanyň öňdebaryjy ligalarynda geçirilen nobatdaky duşuşyklar çempionlyk ugrundaky göreşi hem-de Ýewrokubok zonalaryndaky bäsleşigi has-da gyzdyryp goýdy.

Angliýanyň Premýer-ligasynda «Mançester Ýunaýted» iň gowy dörtligi ýapmagyny dowam etdirýär we hatda üçünji orna hem golaýlady — «Aston Willadan» bary-ýogy 3 utuk yzda barýar. «Liwerpul» bolsa «Mançester Sitiden» (1:2) ýeňlip, Çempionlar ligasy zolagyndan has hem daşlaşdy.

Ispaniýanyň La Ligasynda «Barselona» we «Real Madridiň» ýeňişleri liderlik ugrundaky göreşi saklady. Emma «Atletiko» – «Betisden» (0:1) ýeňlip, çempionlyk ýaryşyndan ep-esli yza galdy we indi esasan ilkinji dörtlük üçin göreşmeli bolar.

Italiýanyň Serie A-synda «Ýuwentus» – «Lazio» (2:2) bilen oýunda garşydaşyň derwezesine 34 urgy ýetirse-de, diňe deňme-deňlik bilen kanagatlandy. Beýleki öňdebaryjy toparlar utuk ýitirmedi (ýöne «Milan» bilen «Roma» entek duşuşygyny geçirmedi).

Germaniýanyň Bundesligasynda «Bawariýa» yzly-yzyna bolan şowsuzlyklardan soň özüni toplady – «Hoffenhaýmy» 5:1 hasabynda ýeňip, «Borussiýadan» 6 utuk öňde galmagyny dowam etdirdi.

Fransiýanyň Liga 1 çempionatynda bolsa «PSŽ» – «Marseli» (5:0) uly hasap bilen ýeňip, ýaryşyň lideri bolmagynda galýar. «Lansdan» aratapawut henizem 2 utuk.

Dynç günleriniň iň tapawutlanan futbolçylary hökmünde Luis Dias (het-trik we iki gazanylan penalti), Federiko Dimarko (3 asist), şeýle-de Usman Dembele (2 gol + 1 asist) bilen Nunu Mendeş (1 asist we birnäçe üstünlikli aldaw hereketi) görkezildi.