Türkmenistanyň Kubogynyň finalynda "Arkadag" ýeňiş gazandy

Şu gün, 27-nji dekabrda, Türkmenistanyň Kubogy ugrundaky bäsleşigiň jemleýji duşuşygy geçirildi. Arkadag şäherindäki "Arkadag" stadionynda geçirilen final oýnunda «Arkadag» bilen «Ahal» toparlary duşuşdy.

Duşuşykda «Arkadag» topary 2:1 hasabynda ýeňiş gazanyp, Türkmenistanyň Kubogyny eýeledi.

Gollar: 67 (11 m.j.u.), 77 Şamämmet Hydyrow («Arkadag») – 24 Ýakupmuhammet Gowşudow («Ahal»)

Şeýlelikde, «Arkadag» yzly-yzyna üçünji ýyl Türkmenistanyň Kubogyny gazanmagy başardy. Üç möwsümiň ählisinde-de «Arkadag» finalda hut «Ahal» topary bilen duşuşyp, ýeňiş gazandy.

Türkmenistanyň Kubogynyň final duşuşygy:

Sene: 27.12.2024 ý. (şenbe)
Duşuşyk: «Arkadag» 2:1 «Ahal»
Geçirilen ýeri: "Arkadag" stadiony (Arkadag ş.)

Duşuşygyň emini: Berdimämmet Atdyýew (Arkadag ş.)
Kömekçi eminler: Ihlas Kurambaýew (Daşoguz ş.), Ýusup Jumamyradow (Aşgabat ş.)
Ätiýaçdaky emin: Eziz Ýazmyradow (Aşgabat ş.)
Gözegçi emin: Begenç Allaberdiýew (Aşgabat ş.)
Duşuşygyň komissary: Ýeňiş Nazzyýew (Mary ş.)