Türkmenistanyň wekilleri "FIFA The Best 2025" baýragynda haýsy futbolçylara ses berdi

Öňki habarymyzda FIFA tarapyndan berilýän "The Best" baýragynyň 2025-nji ýylda Usman Dembeleniň gazanandygyny ýazypdyk. Indi bolsa bu ses berişlikde Türkmenistanyň wekilleriniň haýsy futbolçylary saýlandygyny hödürleýäris.

16-njy dekabrda Kataryň Doha şäherinde "FIFA The Best 2025" baýraklarynyň gowşurylyş dabarasy geçirildi. Bu baýraklarda ýylyň iň gowy futbolçysy, tälimçisi, derwezebany we beýleki nominasiýalaryň ýeňijileri yglan edildi.

FIFA-nyň düzgünlerine görä, ses berişlikde:
• milli ýygyndylaryň baş tälimçileri
• milli ýygyndylaryň kapitanlary
• her ýurtdan bir žurnalist
• FIFA-nyň resmi saýtynda hasaba alnan janköýerler gatnaşýar

Ses berişlikde birinji orna 5 utuk, ikinji orna 3 utuk, üçünji orna 1 utuk berilýär.

Erkekler boýunça “FIFA The Best 2025” netijeleri:
• Ýylyň futbolçysy: Usman Dembele («PSŽ»)

• Ýylyň tälimçisi: Luis Enrike («PSŽ»)

• Ýylyň derwezebany: Janluiji Donnarumma («PSŽ», Italiýa)

• Ferens Puşkaş baýragy (iň gowy gol): Santýago Montiel («Independente»)

• Ýylyň ýygyndysy (erkekler): Donarrumma — Hakimi, Paço, Wan Deýk, Nunu Mendeş — Koul Palmer, Witinýa, Pedri — Jud Bellingem, Usman Dembele, Lamin Ýamal

Şeýlelikde, Türkmenistanyň milli ýygyndysynyň baş tälimçisi Röwşen Meredow öz seslerini:

• 1-nji orna — Usman Dembele
• 2-nji orna — Aşraf Hakimi
• 3-nji orna — Witinýa berdi.

Türkmenistanyň milli ýygyndysynyň kapitany Elman Tagaýew bolsa:

• 1-nji orna — Lamin Ýamal
• 2-nji orna — Usman Dembele
• 3-nji orna — Muhammet Salah diýip ses berdi.

Türkmenistandan ses beren žurnalist Aleksander Werşinin bolsa öz saýlawynda:
• 1-nji orna — Rafinýa
• 2-nji orna — Pedri
• 3-nji orna — Koul Palmer goýdy.