TÝL - 2025. "Arkadag" möwsümi ýeňiş bilen jemledi

Şu gün, 14-nji dekabrda, Türkmenistanyň futbol çempionatynyň jemleýji, 28-nji tapgyrynyň çäginde bir duşuşyk geçirildi. Onda wagtyndan öň bassyr üçünji çempionlygyny gazanan «Arkadag» topary öz meýdanynda «Nebitçi» toparyny kabul etdi.
​
«Arkadag» toparynyň artykmaçlygynda geçen duşuşyk 4:1 hasabynda ýer eýeleriniň peýdasyna tamamlandy.
​
​Gazanan bu ýeňşinden soň 84 utuk toplan «Arkadag» topary çempionatda geçiren hemme 28 duşuşygynda-da ýeňiş gazanmagy başardy.

• ​Geçirilen gollar: 105 top.
• Goýberilen gollar: Bary-ýogy 14 top.
​
​«Arkadag» 4:1 «Nebitçi»
• ​Gollar: 3 Resul Hojaýew, 13 Didar Durdyýew, 47 Şamämmet Hydyrow, 88 Duýargylyç Urazow (ählisi «Arkadag») – 77 Seýitmämmet Hojamämmedow («Nebitçi»)
• Meýdandan çykarylan: 73 Ilýas Çaryýew («Arkadag»)
• Geçirilen ýeri: "Nusaý" st. (Aşgabat ş.)

​Türkmenistanyň futbol çempionatynyň 28-nji tapgyrynyň jemleýji oýun güni ertir, 15-nji dekabrda geçirilip, onda aşakdaky duşuşyklar bolar:

• ​«Şagadam» – «Köpetdag» ("Şagadam" st.) – 14:00
• ​«Altyn Asyr» – «Merw» ("Sport toplumy") – 14:00
• ​«Ahal» – «Aşgabat» ("Aşgabat" st.) – 14:00