"FIFA" Dünýä çempionaty-2026-nyň ähli duşuşyklarynyň senenamasyny yglan etdi

"FIFA" futbol boýunça Dünýä çempionaty-2026-nyň doly duşuşyklaryň senenamasyny öz resmi web sahypasynda neşir etdi. Ýaryş 16 şäherde, 11-nji iýundan 19-njy iýula çenli ABŞ, Kanada we Meksika ýurtlarynda geçer.

Esasy duşuşyklaryň senenamasy:
• ​Toparçalar tapgyry: 11-nji iýun — 27-nji iýun.
• ​Açylyş duşuşygy: 11-nji iýun, "Asteka" stadiony (Mehiko). «Meksika» we «Günorta Afrika» ýygyndylary duşuşar.
• ​Pleý-off tapgyry: 28-nji iýun — 19-njy iýul.
• ​Üçünji orun ugrundaky oýun: 18-nji iýul, "Hard Rok Stedium" (Maýami-Gardens).
• ​Final: 19-njy iýul. Duşuşyk Nýu-Ýork şäheriniň golaýyndaky Ist-Razerforddaky "Metlaýf Stediumynda" geçiriler.

Duşuşyklar Aşgabat wagty bilen 21:00-dan 09:00-a çenli aralykda bolar.
• ​Umumy aralyk: 21:00 — 09:00
• ​Mysallar: ​«Angliýa» we «Horwatiýa» ýaly ýygyndalaryň käbir duşuşyklary 01:00-da (gije) başlar.
• ​«Özbegistan» we «Kolumbiýa» ýygyndylarynyň arasyndaky duşuşyk Aşgabat wagty bilen 07:00-da başlar.
• ​Final duşuşygy Aşgabat wagty  bilen 00:00-da (gije) başlar.

Goşmaça maglumat:
​Ýaryşa gatnaşyjylaryň doly sany 48 topar bolup, pleý-off tapgyryna 12 toparçanyň her birinden iň güýçli iki topar we üçünji orny eýelän iň gowy sekiz topar çykar.