News

TÝL- 2025. "Ahal" nobatdaky ýeňşini gazandy

Türkmenistanyň futbol çempionatynyň 17-nji tapgyrynyň wagty süýşürilen duşuşygy geçirilip, onda ikinji orun ugrunda “Altyn Asyr” topary bilen ýiti göreş alyp barýan “Ahal” paýtagtymyzyň “Köpetdagy” bilen duşuşdy.

“Nusaý” stadionynda geçirilen duşuşykda ynamly çykyş eden “Ahal” garşydaşyndan 2:0 hasabynda üstün çykdy.

Gazanan bu ýeňşinden 36 utuk toplan “Ahal” ýaryş tertibinde ikinji orny eýeleýän “Altyn Asyr” bilen aratapawudyny 4 utuga çenli azaltdy. “Ahalyň” garşydaşyna garanyňda 3 oýny az geçirendigini bellemek gerek. 10 utugy bolan “Köpetdag” topary ýaryş tertibinde soňky, 8-nji orunda ornaşdy.

Ýaryş tertibinde birinji orny geçiren 21 duşuşygynyň hemmesinde ýeňiş gazanan “Arkadag” toparynyň (63 utuk) eýeleýändigini ýatladýarys.

17-nji tapgyryň wagty süýşürilen duşuşygy:

“Ahal” – “Köpetdag” – 2:0

Gollar: 23 Bagtyýar Gürgenow, 89 Akmämmet Metdäýew (“Ahal”)

Duýduryşlar: 55 Nazar Towakelow, 81 Bagtyýar Gürgenow (“Ahal”) – 21 Serdarmyrat Baýramow, 45 Orazmuhammet Işangulyýew, 90 Daýanç Meredow (“Köpetdag”)

Geçirilen ýeri: “Nusaý” stadiony (Aşgabat ş.)

Duşuşygyň emini: E.Annamyradow (Balkanabat ş.)

Kömekçi eminler: Y.Kurambaýew (Daşoguz ş.), Ş.Ýusupow (Mary ş.)

Ätiýaçdaky emin: M.Şanazarow (Mary ş.)

Gözegçi emin: M.Öwezdurdyýew (Mary ş.)

Duşuşygyň komissary: Ý.Nazzyýew (Mary ş.)

Çempionatyň tablisasy:

T/b	Toparlar	O	Ý	D	U	T	U
1.	«Arkadag» FK	21	21	0	0	88-13	63
2.	«Altyn Asyr» FK	22	12	4	6	38-26	40
3.	«Ahal» FK	19	11	3	5	35-19	36
4.	«Şagadam» FK	20	9	6	5	23-24	33
5.	«Nebitçi» FK	21	6	5	10	16-29	23
6.	«Aşgabat» FK	22	5	3	14	17-46	18
7.	«Merw» FK	20	2	5	13	9-31	11
8.	«Köpetdag» FK	21	2	4	15	13-50	10

Çeşme: TFF