"Ahal" Çempionlar ligasy-2-ni ýeňiş bilen başlady

Türkmenistanyň wekili «Ahal» futbol kluby Aziýanyň Çempionlar ligasy-2-niň toparçalaýyn tapgyryndaky ilkinji duşuşygyny üstünlikli tamamlady.

Kolkattada "Wiwekananda Ýuba Bharati Krirangan" stadionynda geçirilen duşuşykda «Ahal» ýerli «Mohun Bagan» toparynyň garşysyna myhmançylykda çykdy. Oýun dartgynly ýagdaýda geçdi, emma 83-nji minutda Enwer Annaýewiň geçiren goly duşuşygyň ykbalyny çözdi.

Netijede, «Ahal» myhmançylykda «Mohun Bagany» 1:0 hasabynda ýeňip, toparçada ilkinji 3 utugyny gazandy.