TÝL - 2025. Durdyýewiň pokeri "Arkadag" toparyna uly ýeňiş getirdi, Maryda ýeňiş gazanan "Şagadam" topary

Ýokary liganyň 15-nji tapgyry «Arkadag» bilen «Köpetdag» toparlarynyň arasyndaky oýun bilen aýratyn tapawutlandy. Arkadag şäheriniň adybir stadionynda geçirilen duşuşykda ýer eýeleri ilkinji ýarymda hemme zady çözmegi başardy.

Duşuşykda hasap 14-nji minutda Şamämmet Hydyrowyň geçiren goly bilen açyldy. Soňra bolsa sahnada diňe Didar Durdyýew boldy — hüjümçi 18-nji, 20-nji, 28-nji hem-de 45+1-nji minutlarda yzly-yzyna dört gol geçirip, «Arkadagyň» 5:0 hasap bilen ýeňmegine uly goşant goşdy.

Bu ýeňişden soň «Arkadag» utuklary 40-a ýetirdi we çempionatyň başyny çekmegini dowam etdirýär. «Köpetdag» bolsa 5 utuk bilen tablisanyň iň aşaky basgançagynda galýar.

Tapgyrdaky beýleki oýunda «Şagadam» «Merwi» 1:0 hasap bilen utdy. Balkan toparynyň ýeňiş goluny 58-nji minutda Mekan Aşyrow geçirdi. Şeýlelikde, «Şagadam» 28 utuk toplap, üçünji orunda ýerleşýär. «Merw» bolsa 9 utuk bilen bilen ýedinji orunda barýar.

07.08.2025 (penşenbe)

“ARKADAG” – “Köpetdag”  5:0

Geçirilen ýeri: “Arkadag” st. (Arkadag şäheri)

Gollar: 14 Şamämmet Hydyrow, 18, 20, 28, 45+1 Didar Durdyýew (“ARKADAG”)

Duýduryşlar: 54 Orazmuhammet Işangulyýew, 79 Serdarmyrat Baýramow (“Köpetdag”)

Duşuşygyň emini: E. Ýazmyradow (Aşgabat ş.)

Kömekçi eminler: A. Jumamyradow (Aşgabat ş.), U. Atamyradow (Änew ş.)

Ätiýaçdaky emin: D.Myradow (Aşgabat ş.) 

Gözegçi emin: B. Öwezow (Aşgabat ş.)

Duşuşygyň komissary: Ý. Nazzyýew (Mary ş.)

 

“Merw” – “Şagadam”  0:1

Geçirilen ýeri: “Merw” st. (Mary şäheri)

Gol: 58 Mekan Aşyrow (“Şagadam”)

Duýduryşlar: 16 Toýly Goçnazarow (“Merw”) – 51 Azizbek Bekçanow, 90+5 Muhammet Öwezow (“Şagadam”)

Duşuşygyň emini: R. Mämmedow (Aşgabat ş.)

Kömekçi eminler: A. Weliýew (Änew ş.), M. Allaberdiýew (Aşgabat ş.)

Ätiýaçdaky emin: H. Gurbanow (Aşgabat ş.) 

Gözegçi emin: K. Seýdow (Aşgabat ş.)

Duşuşygyň komissary: J. Jumamyradow (Aşgabat ş.)

 

Çempionatyň tablisasy:

T/b	Toparlar	O	Ý	D	U	T	U
1.	“ARKADAG”	16	16	0	0	64-7	48
2.	“AHAL”	15	10	1	4	31-14	31
3.	“ŞAGADAM”	15	8	4	3	19-17	28
4.	“ALTYN ASYR”	14	8	1	5	21-19	25
5.	“NEBITÇI”	15	4	3	8	8-13	15
6.	“AŞGABAT”	15	3	2	10	11-34	11
7.	“MERW”	15	2	3	10	7-25	9
8.	“KÖPETDAG”	15	1	2	12	7-39	5