CWC. "PSŽ" bilen "Çelsi" kubok ugrunda duşuşar

Klublaryň Dünýä çempionatynyň finalyna çykjak klublar belli boldy. Ýarym finalda Parižiň «PSŽ» kluby Madridiň «Real» klubuny 4:0 hasabynda ýeňip, öz ornuny gazandy. Duşuşykda Fabian Ruis iki gol bilen tapawutlandy, beýleki gollary bolsa Usman Dembele bilen Gonsalu Ramuş geçirdi.

Londonyň «Çelsi» kluby bolsa geçen gije Braziliýanyň «Fluminensesini» 2:0 hasabynda ýeňip, finalda «PSŽ»-niň garşydaşy boldy.

Taryhy final duşuşygy 13-nji iýulda ABŞ-nyň Nýu-Jersi ştatyndaky "MetLife" stadionynda geçiriler. Oýun Türkmenistanyň wagty bilen 14-nji iýula geçilýän gije 00:00-da başlanar.