
Transfer. Soňky habarlar (02.07. 2025)
Resmi: Jarell Kuanza — «Baýeriň» futbolçysy
«Baýer Lewerkuzen» kluby iňlis goragçysy Jarell Kuanzany 35 mln ýewro töleg bilen «Liwerpuldan» satyn aldy. Futbolçy bilen 5 ýyllyk şertnama baglaşyldy.
Resmi: Oliwier Žiru — «Lill» klubynda
38 ýaşly fransuz hüjümçi Oliwier Žiru MLS-den Ýewropa dolanyp geldi we «Lill» bilen 1 ýyllyk şertnama baglaşdy. Ol bu ýyl Amerikada 11 oýunda 3 gol geçirdi.
Resmi: Matteo Rujeri — indi «Atletikoda»
Madrid kluby italiýaly goragçy Matteo Rujerini 20 mln ýewro töleg bilen satyn aldy. Şertnama 5 ýyllyk baglaşyldy.
Resmi: Kepa — «Arsenalda»
Ispan derwezebany Kepa Londonyň «Arsenaly» bilen 2028-nji ýyla çenli şertnama baglaşdy. Transfer bahasy takmynan 6 mln ýewro boldy.
Resmi: Ansu Fati — «Monakoda»
«Barselonanyň» hüjümçisi Ansu Fati «Monako» klubyna kärende esasynda geçdi. «Monako» oýunçyny 11 mln ýewro bilen doly satyn almak hukugyna eýe.
Malik Tillman — «Baýere» geçer
«PSW»-nyň oýunçysy Malik Tillman Lewerkuzen kluby bilen şertnama baglaşar. Transfer bahasy 40 mln ýewro bolmagyna garaşylýar.
Žoao Pedro — «Çelsa» geçer
«Braýtonyň» hüjümçisi Žoao Pedro «Çelsi» bilen 2032-nji ýyla çenli şertnama baglaşar. Transfer bahasy: 55 mln funt + 5 mln funt bonus hökmünde.
Resmi: «Lion» Ýewropa ligasyndan çykýar
«Lion» kluby 2025/26 möwsüminde Ýewropa ligasynda oýnamaýar. Klub Ikinji liga düşse, onuň ornuna «Strasbur» gatnaşar. Bu karary klubyň özi berdi. Şeýle hem klubyň prezidenti Jon Tekstor wezipesinden çekildi, täze prezident — Mişel Kang boldy. Ol klubyň taryhynda ilkinji zenan prezident.
Resmi: «Aýaks» nyşanyny üýtgetdi
Amsterdamyň «Aýaks» kluby resmi nyşanyny 1991-nji ýyldan öň ulanýan köne nyşany bilen çalşyp, klubyň 125 ýyllygyna bagyşlady.
Jonatan Dewid «Ýuwentusa» geçýär
Kanadaly hüjümçi Jonatan Dewid bilen «Ýuwentus» arasynda ähli şertlerde ylalaşdy. Oýunçy medisina barlagyndan soň resmi taýdan yglan ediler.
Jon Duran — «Fenerbahçede»
«Al-Nasr» kluby kolumbiýaly hüjümçi Jon Durany «Fenerbahçe» klubyna 2026-njy ýylyň tomsuna çenli kärendesine berdi. Geçen ýyl araplar ony 77 million ýewra satyn alypdylar.
Žorže Žezuş — «Al-Nasryň» täze tälimçisi bolar
Portugaliýaly tälimçi Žorže Žezuş «Al-Nasr» bilen şertnama baglaşar. Klubda täze ýolbaşçylyk düzümem gurlar.
Resmi: «Mançester Ýunaýtedde» täze wezipä belleniş
Jonni Ewans «Mançester Ýunaýtedde» kärende we ýaş futbolçylary ösdürmek bölüminiň ýolbaşçysy bolar. Bu wezipede ol ýaş oýunçylar üçin kärende ylalaşyklaryny guramak, olar üçin laýyk klublary saýlamak we olaryň ösüşine goldaw bermek bilen meşgullanar.