Transfer. "Barselona" Raşfordy kärendesine almak isleýär

Ispaniýanyň «Barselona» kluby Angliýanyň «Mançester Ýunaýted» klubynyň hüjümçisi Markus Raşfordy täze möwsüm üçin kärendesine almak isleýär. Bu barada "The Times" habar berýär.

Katalon kluby häzirki wagtda hem «Atletik Bilbao» klubynyň ýetişen ýyldyzy Niko Williamsy transfer etmek ugrunda hereket edýär. Şol bir wagtyň özünde, Raşfordy bolsa esasy hüjümçi Robert Lewandowskiniň oruntutary hökmünde görmek islenýär.

Raşfordyň transfer hukuklary «Mançester Ýunaýtede» degişli bolup galýar. Emma geçen möwsümiň ikinji ýarymynda oýun tejribesini artdyrmak maksady bilen ol «Aston Willa» klubynda çykyş etdi. Premýer-liganyň çäginde geçirilen 10 duşuşykda Raşford diňe 2 gezek tapawutlandy.

«Barselona» häzirki wagtda maliýe taýdan kyn döwürleri başdan geçirýär. Şonuň üçin klub täze transferlerde has seresaply hereket edýär we kärendesine almak ýaly mümkinçilikleri göz öňünde tutýar. Markus Raşford ýaly tejribeli we tiz oýnaýan hüjümçi bolsa klubyň hüjüm liniýasyna giňlik berip biler.