AFC CL. "Al-Arabi" Türkmenistana geldi

Kuweýt Patyşalygynyň "Al-Arabi" topary AFK-nyň Çagyryş ligasynyň ýarym finalynyň jogap duşuşygyna gatnaşmak üçin Türkmenistana geldi. Topar duşuşygyň öňüsyrasynda Türkmenistanda türgenleşiklerini dowam etdirdi.

16-njy aprelde geçiriljek jogap duşuşygy Kuweýtiň toparynyň garşydaşy - "Arkadag" topary üçin uly synag bolar. Çünki mundan bir hepde ozal El-Kuweýt şäherinde geçirilen birinji duşuşykda "Al-Arabi" 2:0 hasabynda ýeňiş gazanypdy.

"Arkadag" - "Al-Arabi" duşuşygy gündiz geçiriler. Has takygy, "Arkadag" stadionynda geçiriljek duşuşygyň gündiz sagat 15:30-da başlanmagyna garaşylýar. Ýaryşyň finalyna çykmak üçin "Arkadag" topary güýçli garşydaşyny azyndan 3 golluk tapawut bilen ýeňmeli bolar.

"Janköýer" türkmen futbolynyň şöhratly toparyna ertirki synagda üstünlik arzuw edýär! Bu iki günde türkmen futbolynyň ýüregi "Arkadag" topary bilen deň urýar! Öňe, Çempion!