Çaryýewiň topary şahsy rekordyny täzeledi

Düzüminde türkmenistanly ýarym goragçy Teýmur Çaryýew hem çykyş edýän "Torpedo-BELAZ" topary taryhyndaky ýeňilmezlik rekordyny täzeledi. Soňky geçiren duşuşyklarynda 7 gezek ýeňiş gazanyp, 6 duşuşykda-da deňme-deň oýnan topar ýeňilmezlik tapgyryny 13 duşuşyga çykardy.

Soňky möwsümlerde janköýerleriniň göwnünden turýan toparyň 12 duşuşyklyk ozalky tapgyry hem uzakda däl. Ozalky rekord 2023-nji ýylda goýlupdy.

Teýmur Çaryýew "Torpedo-BELAZ"-yň düzümine geçen gyşda goşuldy. Ol häzir şikes sebäpli resmi duşuşyklara gatnaşyp bilenok. Muňa garamazdan, ol toparyň möwsüme taýýarlyk gören döwründe geçiren ýoldaşlyk duşuşyklarynyň aglabasyna esasy düzümde girişip, olarda bir gezek tapawutlanyp hem ýetişipdi.