«Rostow» BAE-däki ýygnanyşygyna türkmenistanly futbolçyny hem goşdy

Türkmenistanyň futbol boýunça ýetginjekler ýygyndysynyň agzasy Denis Titow Russiýanyň «Rostow» toparynyň esasy düzüminiň hatarynda Birleşen Arap Emirliklerinde geçirilýän okuw-türgenleşik ýygnanyşygyna gatnaşar.

Toparyň ýygnanyşygy 12-nji ýanwarda başlanar we tapgyrlar bilen 23-nji fewralda tamamlanar.

Denis «Rostowda» 2022-nji ýyldan bäri çykyş edip gelýär. Ol geçen möwsümlerde toparyň ýaşlar düzüminde çykyş etdi.