Transfer. Oskar karýerasyna başlan "San-Paulu" klubyna gaýdyp geldi

25.12.2024ý.

Braziliýaly ýarymgoragçy Oskar, öz ýurdunyň «San-Paulu» klubyna geçdi. 2017-nji ýyldan bäri Hytaýyň «Şanhaý Port» (Şanhaý SIPG) klubynda oýnan 33 ýaşly braziliýaly bilen şertnama 2027-nji ýylyň ahyryna çenli dowam eder.

Oskar karýerasyna «San-Pauluda» başlady, soňra «Internasionala» geçdi. Ýewropada Londonyň «Çelsi» klubynda oýnady we Angliýanyň iki gezek çempiony, Ýewropa ligasynyň we Angliýanyň ligasynyň kubogynyň eýesi boldy. Ýarymgoragçy «Şanhaý» bilen bilelikde üç gezek Hytaýyň çempiony diýen adyny eýeläp, ýurduň kubogyny we Super kubogyny aldy. Braziliýa milli ýygyndysynyň agzasy hökmünde Oskar, 48 oýun oýnap, 2013-nji ýylyň Konfederasiýa kubogyny aldy.

Bizi yzarlaň, biziň bilen galyň!