Katar hem-de Ýaponiýadan soň Gonkongda-da “barselonaly” weteranlar ýeňiş gazandy

21.12.2024ý.

Soňky wagtlarda “Real Madrid” bilen “Barselonanyň” ozalky ýyldyzlary, rowaýaty oýunçylary ýygy-ýygydan özara duşuşyklar geçirýär. Şolaryň soňkusy Gonkongda oýnalyp, “Barselonanyň” legendalary “Real Madridiň” legendalaryndan 5-2 hasabynda üstün çykdy. Duşuşykda “Barselonanyň” gollarynyň üçüsini Dawid Willa geçirdi. Beýleki gollary bolsa Hawier Sawiola bilen Patrik Kluiwert derwezä saldy. “Realyň” weteranlarynyň adyndanam Maýkl Owen 2 gezek tapawutlandy. Duşuşykda Hawi, Puýol, Figo, Kasilýas, Anri, Roberto Karlos ýaly meşhurlar meýdança çykdy.

Iki topar bu duşuşykdan 2 gün öňem Ýaponiýanyň paýtagty Tokioda duşuşypdy we şonda-da “Barselona” soňky minutlarda Fernando Sanzuň awtogoly bilen 2-1 ýeňipdi. Golaýda iki toparyň legendalary Kataryň paýtagty Dohada-da duşuşyk geçiripdi we şol oýunda hem “Barselona” 2-1 hasabynda ýeňiş gazanypdy.

Bizi yzarlaň, biziň bilen galyň!