TK. Ýene şol final: "Arkadag" – "Ahal"

21.10.2024ý.

Futbol boýunça Türkmenistanyň kubogynyň finalçylary ýene-de üýtgemedi. Sanlyja günden geçiriljek final duşuşygynda «Arkadag» we «Ahal» toparlary duşuşar. Bu iki topary geçen ýyl hem Kubok ýaryşynyň finalynda biri-birine garşydaş bolupdylar.

Finala çenli ýolda «Arkadag» topary çärýek finalda «Şagadamy» iki duşuşykda 3:0 we 3:1 hasaplarynda utup, adyny ýarymfinala ýazdyrdy. Ýarymfinalda bolsa topar iki duşuşykda «Nebitçiniň» derwezesinden iki duşuşykda 12 gol geçirdi.

Ýekeje ýeňiş bilen finala

Final duşuşygyna «Ahalyň» gelşi has täsin. Çünki topar çärýekfinaldan finala çenli aralykdaky dört duşuşykda bary-ýogy ýekeje ýeňiş gazandy. Has takygy, topar çärýekfinalyň ilkinji duşuşygynda «Köpetdagy» 2:1 hasabynda ýeňdi. Şu hem «Ahalyň» Türkmenistanyň kubogy 2024-däki ilkinji we iň soňky ýeňşi boldy. Çünki çärýekfinalyň jogap duşuşygynda «Köpetdag» güýçli garşydaşy bilen 3:3 hasabynda deňme-deň oýnady.

Ýarymfinal duşuşyklarynda bolsa «Altyn Asyra» tehniki ýeňliş berildi.

12 möwsümde 8-nji final

Türkmenistanyň kubogynda ilkinji finalyny 2013-nji ýylda geçiren «Ahal» şondan bäri sekizinji finalyna çykýar. Yzda galan ýed finalyň dördüsinde «Ahal» Kuboga mynasyp bolupdy. Topar ýurtda bu Kubogy iň köp eýelänleriň sanawynda ilkinji üçlüge girýär.

«Arkadag» topary bassyr ikinji gezek final duşuşygyny geçirer. Topar geçen ýyldaky finalda «Ahaly» utup, Kuboga mynasyp bolupdy. 

Türkmenistanyň Kubogy ugrundaky ýaryşyň final duşuşygy 23-nji dekabrda geçiriler.

Bizi yzarlaň, biziň bilen galyň!