Şu gije haýsy duşuşyklar bar?

06.12.2024ý.

Ýewropanyň öňdebaryjy çempionatlarynyň täze tapgyrynyň duşuşyklary şu gijeden başlar. Şu gije esasanam Italiýada 2 uly duşuşyk janköýerlere garaşýar.

“Serie A”-da çempion “Inter” öz meýdançasynda “Parmany” kabul etse (22:30), tapgyryň iň esasy 2 duşuşygynyň biri bolan oýunda “Atalanta” bilen “Milan” duşuşar (00:45). “Milan” çempionlyk ugrundaky ýaryşdan daşlaşmazlygy üçin “Atalantany” ýeňmeli bolar. “Atalanta” bolsa çempionatda bassyr 8 oýundan bäri ýeňiş gazanyp gelýär.

Fransiýa-da Çempionlar Ligasynda çykyş edýän toparlaryň 3-si şu gije meýdança çykar. 23:00-da başlanjak oýunda “Lill” öz meýdançasynda “Brest” bilen, PSŽ bolsa myhmançylykda “Oser” bilen duşuşar (01:00).

Germaniýada geçen möwsümdäkiden pes çykyş edýän “Ştutgart” öýünde Berliniň “Uniony” bilen güýç synanyşar.

Ispaniýada sişenbe güni “Barselonadan” 5 gol geçirden “Malýorka” topary “Seltanyň” myhmany bolar. Niderlandlarda-da sanawyň lideri PSW öz meýdançasynda 5-nji orunda “Twente” bilen duşuşar. Türkiýede bolsa “Trabzonspor” öýünde “Kasympaşa” bilen güýç synanyşar.

Duşuşyklaryň köpüsi diýen ýaly, Match hem-de Match 1-2-3 telekanallarynda görkeziler.

Şu günüň esasy duşuşyklary – 6-njy dekabr

Trabzonspor – Kasympaşa (22:00)

Inter – Parma (22:30)

Lill – Brest (23:00)

PSW – Twente (00:00)

Ştutgart – Union Berlin (00:30)

Atalanta – Milan (00:45)

Oser – PSŽ (01:00)

Selta – Malýorka (01:00)

Braga – Eştoril (01:15)

Bizi yzarlaň, biziň bilen galyň!