Lewandowski karýerasyny ýapmak isleýän topary barada aýtdy

21.11.2024ý.

«Barselona» futbol klubynyň hüjümçisi Robert Lewandowski katalon klubynda galmak isleýär. «Sport.es»-iň habaryna görä, futbolçy topary we Kataloniýadaky durmuşy halap, şertnamasyny 2026-njy ýyla çenli uzaltmak baradaky maddany işjeňleşdirmäge razy boldy. Emma Lewandowski 2027-nji ýyla çenli täze şertnama baglaşmak isleýär we 38 ýaşyna çenli katalonlar üçin oýnap, soňra karýerasyny tamamlamagy meýilleşdirýär. Şu möwsümde polşaly futbolçy ähli ýaryşlarda 17 oýunda çykyş edip, 19 gol we iki netijeli pas bilen tapawutlandy. «Transfermarkt» portalynyň maglumatyna görä, futbolçynyň bazar bahasy 15 million ýewro.

Bizi yzarlaň, biziň bilen galyň!