Arslanmyrat Amanow täze wezipede

21.11.2024ý.

Arslanmyrat Amanow «Arkadag» klubynyň başlygy wezipesine bellenildi.

Türkmen futbolynyň ady rowaýata öwrülen wekilleriniň biri Arslanmyrat Amanow futbolçylyk ýoluny tamamlady. Ol mundan beýläk «Arkadag» futbol klubynyň başlygy wezipesini alyp barar. Bu barada klubyň metbugat gullugy jemgyýetçilik torlaryndaky hasaplary arkaly habar berdi.

«Kapitanymyz ençeme ýyllap zähmet çekip, üstünlikli we ýeňişli at-abraý gazandy. Bu, sözüň doly manysynda, uly üstünlikdir. Kapitan diňe bir meýdanda däl, eýsem, ähli ugurlar boýunça klubyň ösüşini öz üstüne alýar. Onuň üstünlikleri adyny rowaýata öwürmek üçin ýeterlik. Ol özünden uly ýatlamalary galdyrdy. Indi bolsa klubyň geljegini gurmak üçin onuň başlygy wezipesine girişýär. Bu bir ýoluň soňy däl-de, täze bir ýolbaşçylygyň başlangyjydyr» diýip, klub täze ýolbaşçysyny köpçülige ýetirdi. Arslanmyrat Amanowyň «Arkadag» topary döredileli bäri onuň düzüminde futbol oýnap gelýändigini ýatladýarys.

Bizi yzarlaň, biziň bilen galyň!