Ýewropanyň iň köp hak alýan futbolçysy bolar

20.11.2024ý.

“Bundesliganyň” öňdebaryjy topary “Bawariýa” düzümindäki ýaş ýyldyz oýunçy Jamal Musialanyň şertnamasyny täzelemekçi hem-de gowulandyrmakçy bolýar.

Mälim bolşy ýaly, 21 ýaşyndaky oýunçynyň şertnamasy 2026-njy ýylda tamamlanýar. Klub onuň şertnamasyny 2029-njy ýyla çenli uzaltmak isleýär. Bu barada “Sky Sports” habar berýär. Kluba oňa ýyllyk 25, umumylykda-da 120 million ýewro teklip edýär. Musiala klubunyň täze teklibi bilen ylalaşan ýagdaýynda Ýewropada iň köp hak alýan futbolçy bolar.

Karýerasyna Germaniýanyň “Leners” toparynda başlan Musiala Angliýada “Southempton” we “Çelsi” klublarynyň ýetginjekler düzümlerinde oýnady. 2019-njy ýylda transfer edilen oýunçy 2020-nji ýyldan bäri “Bawariýanyň” esasy toparynda oýnap gelýär. Ol 210 oýunda 60 gol geçirip, 38 asist etdi. 

Bizi yzarlaň, biziň bilen galyň!