La Liga. Militao dyzyndan üstünlikli operasiýa geçirdi

20.11.2024ý.

Madrid klubynyň metbugat gullugynyň habaryna görä «Real Madrid» we Braziliýanyň milli futbolçysy Eder Militao sag dyzynyň öň tarapyndaky haç görnüşli bagy üçin üstünlikli operasiýa edildi.

Bu operasiýa «Real Madridiň» lukmançylyk gullugynyň gözegçiligi astynda lukman Manuel Leýes tarapyndan geçirildi. Militao ýakyn günlerde dikeldiş işine başlar.

Braziliýaly goragçy Ispaniýa çempionatynyň 13-nji tapgyrynyň «Osasuna» (4:0) bilen oýnunda şikes aldy. 26 ýaşly futbolçy karýerasynda ikinji gezek şuňa meňzeş şikes alýar, ol 2023-nji ýylyň awgust aýynda çep dyzynyň haç baglaryny ýyrtandygy sebäpli ýedi aý sypdyrdy.

Häzirki möwsümde Militao ähli ýaryşlarda «Real Madridiň» düzüminde 16 oýun oýnap, bir gol geçirip, bir asist berdi.

Bizi yzarlaň, biziň bilen galyň!