TNFL. "Köpetdag" futzal topary – çempion!

10.11.2024ý.

Ýurdumyzyň Naýbaşy ligasy jemlendi.

Şu gün, 10-njy noýabrda ýurdumyzyň Naýbaşy futzal ligasynyň jemleýji 20-nji tapgyrynyň duşuşyklary geçirilip, ýurdumyzyň Naýbaşy ligasy jemlendi.

Ýurdumyzyň Naýbaşy ligasynyň jemi boýunça iň güýçli topary kesgitlemek üçin «Köpetdag» bilen «Senagatbank» futzal toparlarynyň arasyndaky duşuşygynyň netijesi esasynda mälim boldy. Ýagny, 2023-nji ýylyň Türkmenistanyň Naýbaşy ligasynyň wise-çempion topary bolan «Köpetdag» topary «Senagatbank» toparyny 6:2 hasabynda ýeňlişe sezewar etdi. 

Şeýlelikde, Türkmenistanyň Içeri işler ministrliginiň "Köpetdag" topary "Senagatbank" toparyndan 4 utuk öňe saýlandy.  Türkmenbaşy Halkara deňiz portunyň "Deňizçi" futzal topary 40 utuk bilen çempionatyň bürünç medalyna eýe boldy.

Türkmenistanyň futzal ligasy ady bilen geçirilen bäsleşik toparlaryň altysynyň gatnaşmagynda geçirildi. 4 aýlawdan ybarat bolan futzal ligasynyň duşuşyklarynyň Aşgabatda hem-de Türkmenbaşyda geçirilendigini ýatladýarys.

Türkmenistanyň Naýbaşy Futzal Ligasy 2024

IV AÝLAW

20-nji tapgyr:

10.11.2024ý. (ýekşende)

“Deňizçi” – TNGIZT – 2:2

[0:1] – 18' Taňryberdi Amangeldiýew 

[1:1] – 21' Kirill Çaryýew 

[2:1] – 23' Alişer Hudaýbergenow 

[2:2] – 27' Mekan Şamyradow

Duýduryşlar: 

13' – Gylyçmyrat Gylyçmyradow (“Deňizçi”)

26' – Rehimberdi Halmämmedow (“Deňizçi”)

30' – Şöhrat Baýramow, ätiýaçlyk oturgyjyndan (“Deňizçi”)

31' – Gurbannyýaz Atamyradow (TNGIZT)

40' – Kirill Çaryýew (“Deňizçi”)

Meýdançadan çykarylanlar: 

26' – Jasurbek Annamuradow (“Deňizçi”)

33' – Rehimberdi Halmämmedow (“Deňizçi”)

“Köpetdag” – “Senagatbank” – 6:2

[0:1] – 3' Nurmyrat Gurbangeldiýew 

[1:1] – 3' Kerwen Annaorazow

[1:2] – 10' Aýmyrat Magtymow 

[2:2] – 12' Abdylla Nursähedow 

[3:2] – 17' Allaberdi Meredow 

[4:2] – 31' Mülkaman Annagulyýew 

[5:2] – 32' Gurbangeldi Sähedow 

[6:2] – 33' Sähetmyrat Atdaýew

Duýduryşlar: 

4' – Hydyr Nurnyýazow (“Senagatbank”)

14' – Allaberdi Meredow (“Köpetdag”)

14' – Myrat Onjaýew (“Senagatbank”)

14' – Rahym Gulamow, tälimçi (“Senagatbank”)

Meýdandan çykarylan: 14' Rahym Gulamow (“Senagatbank”)

“Turan” – “Migrasiýa” – 0:3* 

*«Turan» futzal toparyna 0:3 hasaby bilen tehniki ýeňliş yglan edildi.

Jemleýji ýaryş tablisasy: 10.11.2024ý.

Bellik: Futzal boýunça Naýbaşy liganyň jemleýji ýagny, IV aýlawyň tapgyrlaryň ählisi  Türkmen Döwlet bedenterbiýe we sport institutynyň sport zalynda geçirildi. 

Möwsümiň ahyrynda käbir şahsy baýraklar hem gowşuryldy.

Futzal birinjiliginiň jemi boýunça “Migrasiýa” futzal toparynyň baş tälimçisi Sähetmyrat Bäşimow «Iň ökde tälimçi» diýlip saýlandy. TNGIZT toparynyň futzalçysy Rahatmyrat Nepesow «Iň ökde oýunçy» diýlip yglan edilen bolsa, “Deňizçi” toparyň derwezeçisi Rehimberdi Halmämmedow «Iň ökde derwezeçi» baýragyna mynasyp görüldi.

Iň köp top geçiren oýunçylaryň arasynda tapawutlanan «Köpetdagyň» futzalçysy Mülkaman Annagulyýew mynasyp boldy.

Şahsy we ýeňijilere baýraklary Türkmenistanyň Futbol federasiýasynyň başlygy Guwançmuhammet Öwekow, baş sekretary Maksat Seýitgulyýew we Futzal bölüminiň başlygy Annanur Gulow gowşurdylar.

---

Bizi yzarlaň, biziň bilen galyň!