La Liga. Winisiusyň het-trigi we Militaonyň agyr şikesi

09.11.2024ý.

Ispaniýanyň futbol çempionatynyň 13-nji tapgyrynda «Real Madrid» öý oýnunda «Osasunany» ýeňdi. Madriddäki duşuşyk 4:0 hasabynda tamamlandy. Oýunda Winisius Junior het-trik geçirdi we Jud Bellingem ýene bir gol geçirdi.

Birinji ýarymda «Real Madridde» braziliýaly Rodrigo we Eder Militao şikesler sebäpli meýdançadan çykdy, birinji ýarymdan soň bolsa şikes sebäpli Lukas Wazkes çalşyldy.

Oýundan soň «Real Madrid» resmi ýagdaýda Eder Militaonyň sag dyzynyň iki meniskina zeper ýetirip, öňdäki haç baglaryny ýyrtandygyny habar berdi. Ol ýakyn wagtda operasiýa ediler we 10 aý meýdançadan daşlaşar. Militao geçen möwsümiň başynda çep dyzynyň haç baglaryny ýyrtypdy we diňe aprel aýynda sagaldy.

27 utuk toplan «Real», La Ligada «Barselonadan» (33) yzda ikinji orunda barýar. «Osasuna» (21) bäşinji ýerde.

Indiki tapgyrda «Real» «Leganesa» gider, «Osasuna» bolsa «Willarrealy» kabul eder. Iki oýun hem 24-nji noýabrda geçiriler.

Bizi yzarlaň, biziň bilen galyň!