UCL. 4-nji duşuşyklar: “Real” – “Milan”, “Liwerpul” – “Baýer”, “Inter” – “Arsenal”, PSŽ – “Atletiko”

05.11.2024ý.

UEFA Çempionlar Ligasynda şu gije hem-de ertir gije 4-nji duşuşyklar oýnalar. Bu tapgyrda ozalkylara garanyňda güýçli toparlaryň özarasyndaky duşuşyklaryň sany köpräk bolup, her gijede 2-3 öňe saýlanýar.

Tapgyryň iň esasy oýny UEFA Çempionlar Ligasyny iň köp alan 2 toparyň arasyndaky duşuşyk bolup, “Real” Santiago Bernabeuda “Milany” kabul eder. Karlo Ançelottiniň häzirki hem-de öňki klublarynyň arasyndaky oýna sloweniýaly Slawko Wuçiç eminlik edip, duşuşyk 01:00-da başlanar.

Gijäniň ýene bir esasy oýny Angliýada “Liwerpul” bilen “Baýeriň” arasynda geçiriler. Habi Alonso öň ep-esli ýyl çykyş eden klubunyň garşysyna bu gezek tälimçi hökmünde çykar. Duşuşykda niderland Danni Makkeli jürlewük çalar. Fransiýada “Ýuwentus” topary “Lilliň” myhmany bolar. Portugaliýada-da “Sporting” bilen “Mançester Siti” duşuşar.

Ähli ünsler Milanda hem-de Parižde bolar

Çarşenbe gününiň agşamynda-da sanawyň lideri “Aston Willa” myhmançylykda “Klub Brýugge” bilen duşuşar. Ýarygijeden soňky oýunlarda “Inter” bilen “Arsenalyň”, şol sanda PSŽ bilenem “Atletiko Madridiň” arasyndaky oýunlar has köp ünsi çekýär. “Bawariýa” bilen “Benfikanyň” arasyndaky duşuşygyň hem köp golly bolmagyna garaşylýar. Soňky duşuşyklarynda uly hasaplar bilen ýeňiş gazanýan “Barselona” topary Belgradda “Srwena Zwezda” toparynyň myhmany bolar. Germaniýadaky “Ştutgart” bilen “Atalantanyň” arasyndaky oýun hem deňeçerräk ýagdaýda geçer diýlip çaklanylýar.

5-nji noýabr (sişenbe)

22:45 PSW – Žirona

22:45 Slowan Bratislawa – Dinamo Zagreb

01:00 Bolonýa – Monako

01:00 Borussiýa Dortmund – Şturm Gras

01:00 Seltik – Leipsig

01:00 Liwerpul – Baýer

01:00 Lill – Ýuwentus

01:00 Real Madrid – Milan

01:00 Sporting – Mançester Siti

6-njy noýabr (çarşenbe)

22:45 Klub Brýugge – Aston Willa

22:45 Şahtýor Donesk – Ýang Boýz

01:00 Sparta Praga – Brest

01:00 Bawariýa – Benfika

01:00 Inter – Arsenal

01:00 Feýenoord – Red Bull Salsburg

01:00 Srwena Zwezda – Barselona

01:00 PSŽ – Atletiko Madrid

01:00 Ştutgart – Atalanta

Bizi yzarlaň, biziň bilen galyň!