www.tff.com.tm
AFC CL. "Al-Arabi" – "Arkadag": redaksiýanyň çaklamasy
31.10.2024ý.
Ozal hem habar berşimiz ýaly, ýurdumyzyň çempiony «Arkadag» topary ertir ― 1-nji noýabrda AFK-nyň Çagyryş ligasynyň toparçalaýyn tapgyryndaky ahyrky duşuşygyny geçirer. Bu duşuşykdaky garşydaş Kuweýtiň «Al-Arabi» topary bolar. Iki topary horwatiýaly hünärmen Ante Mişe birleşdirýär diýsek, hakykatdan daş düşmeris. Çünki häzir hem karýerasyny Kuweýtde, ýöne başga toparda dowam etdirýän tälimçi Türkmenistanyň milli ýygyndysyndan soň hut «Al-Araba» tälim beripdi. Iki topary başga baglanyşdyyrp biljek ýagdaýy tapaýmak kyn.
«Al-Arabi». “Al Arabi” topary Kuweýtdäki çempionatda möwsüme üstünlikli başlap, ýedi oýunda alty ýeňiş gazandy. Ýöne «Abdyş Ata» toparyndan ýeňlensoň, toparyň ruhy biraz pese düşürdi. Maldiwleriň «Maziýasy» bilen bolan duşuşykda gazanylan ýeňiş bolsa topary çärýek finala höweslendirdi. Emma bu mümkinçiligi gazanmak üçin şu duşuşykda ýeňiş gazanmaly bolar. Ikinji bir tarapdan bolsa çärýekfinal üçin esasy garşydaş bolan «Abdyş-Ata» indi «Maziýa» bilen duşuşar. Gyrgyzystanyň çempionyna ýaryşda heniz bir utuk hem toplap bilmedik garşydaşy ýeňmek kyn düşmese gerek.
«Arkadag». Türkmenistanly futbolçylar bu ýaryşa gitmezden ozal Ýokary ligadaky çempionlygyny 26 oýunyň hemmesinde ýeňiş gazanyp, kepillendirdiler. Bu ýeňiş yzly-yzyna AFK Çagyryş ligasynda hem dowam edýär ― iki oýunda iki ýeňiş. Geljekki tapgyra çykmak üçin «Arkadag» toparyna bu soňky oýunda ýeňlişe ýol bermän, deňme-deň oýnamak ýeterlik bolar.
Özara duşuşyklar. Bu toparlar öň biri-biri bilen duşuşmady. «Al-Arabi» ― «Arkadag» duşuşygy boýunça statistik garaýyş. Iki topar hem ilkinji turlarda örän işjeň burçdan urgulary ýerine ýetirdi. «Al-Arabi» burç nokadyndan 21 gezek urgyny ýerine ýetirdi (her oýunda ortaça 10.5 urgudan). “Arkadag FK” topary bolsa, burç nokadyndan jemi 20 gezek urgyny ýerine ýetirdi (ortaça 10 urgy). Iki topar hem iki duşuşykda üç sany sary duýduryş kartyny aldylar (ortaça her oýunda 1.5 kartdan). Emma bu oýnuň geljekki tapgyra haýsy toparyň çykjakdygyny kesgitlär.
Çaklama. Biz «Arkadag» toparynyň bu oýunda ýeňiş gazanjakdygyna ynanýarys. Türkmen topary ähli ýaryşlarda örän ynamly oýnap, ýokary formadadyr. «Al-Arabi» bolsa beýle ynamly oýun görkezmeýär we eýýäm birinji tapgyrda ýeňlişe sezewar boldy. Şonuň üçin biziň pikirimizçe, myhman topar üç utuk gazanyp, toparçadan çykyp biler. Toparlar goranmak taktikasyna aýratyn ähmiýet berýär. Kuweýtiň toparynyň pökgi gatnaşygy 2:1, toparyň birinji ornundaky lideriniňki bolsa 4:1. Topardan çykmak ugrundaky duşuşykda has ätiýaçly oýunyň bolmagyna garaşýarys, sebäbi ýekeje ýalňyşlyk topar üçin birinji orny ýitirmäge sebäp bolup biler.
