Ussatlaryň hatyrasyna geçirilen futbol ýaryşy tamamlandy

31.10.2024ý.

Türkmenistanda ilkinji gezek sport žurnalistleriniň hatyrasyna futbol ýaryşy geçirildi.

Aşgabat şäherinde görnükli sport žurnalistleri, halypa teswirleýjiler Amanmuhammet Çaryýewiň, Kuwwatmyrat Sähetmyradowyň we türkmen futbolynyň ady rowaýata öwrülen ýyldyzlary Omar Berdiýewiň we Didargylyç Urazowyň hatyrasyna geçirilen futbol ýaryşlary tamamlandy. Aşgabat şäherindäki 1-nji orta mekdebiň sport toplumynda geçirilen ýaryşa 2014-2015-nji ýyllarda doglan ýetginjeklerden ybarat toparlaryň 8-si gatnaşdy.

Gatnaşyjy toparlar öz aralarynda iki toparça bölündiler. «A» toparçany «Top», «Gala», «Parahat» we «Hezzet», «B» toparçany bolsa «Nusaý», «Altyn Täç», «Dostluk ýyldyzlar» we «Zemin» toparlary emele getirdi. Toparçalaýyn duşuşyklaryň netijesinde «A» toparçadan «Parahat» we «Hezzet», «B» toparçadan bolsa «Altyn Täç» we «Dostluk» ýyldyzlar toparlary çykmagy başardylar. Ýarymfinal duşuşyklarynda «Altyn Täç» «Hezzeti» 9:0, «Parahat» bolsa «Dostluk Ýyldyzlaryny» 2:0 hasabynda ýeňip, finala çykdy. Final duşuşygynda «Parahat» topary «Altyn Täji» 2:1 hasabynda ýeňdi we çempion boldy. Üçünji orun ugrundaky duşuşykda «Hezzet» «Dostluk Ýyldyzlar» toparyndan 4:0 hasabynda üstün çykdy.

Sport žurnalisti, halypa teswirleýji – Kuwwatmyrat Sähetmyradow

Sport žurnalisti, halypa teswirleýji –Amanmuhammet Çaryýew

Türkmen futbolynyň ady rowaýata öwrülen ýyldyzy – Omar Berdiýew 

Türkmen futbolynyň ady rowaýata öwrülen ýyldyzy – Didargylyç Urazow

Ähli duşuşyklar Aşgabat şäherindäki 1-nji orta mekdebiň sport toplumynda geçirildi.

Duşuşyklar 21-nji oktýabrda badalga berlip, ýaryş 27-nji oktýabrda tamamlandy. 

Geçirilen ýaryşyň ähli netijeleri:

21.10.2024ý.
«A» toparça:
«Top» – «Hezzet» – 1:2
«Gala» – «Parahat» – 1:4

«B» toparça:
«Nusaý» – Altyn Täç – 2:5
«Zemin» – «Dostluk ýyldyzlar» – 0:1

22.10.2024ý.

«A» toparça:
«Gala» – «Top» – 3:0
«Parahat» – «Hezzet» – 9:2

«B» toparça:
«Zemin» – «Nusaý» – 2:5
«Dostluk ýyldyzlar» – «Altyn Täç» – 2:4

23.10.2024ý.
«A» toparça:
«Hezzet» – «Gala» – 2:0
​​​​​​​«Parahat» – «Top» – 4:1

«B» toparça:
«Nusaý» – «Dostluk ýyldyzlar» – 1:3
«Altyn Täç» – «Zemin» – 4:3

Jemleýji final duşuşyklary:

26.10.2024ý.

Ýarym finallar: 

«Altyn Täç» – ​​​​​​​«Hezzet» – 9:0

​​​​​​​«Parahat» – «Dostluk ýyldyzlar» – 2:0 

27.10.2024ý.

Üçünji orun üçin: «Dostluk ýyldyzlar» – ​​​​​​​«Hezzet» – 0:4

27.10.2024ý.

Final duşuşygy: «Altyn Täç» –​​​​​​​ «Parahat» – 1:2

Birinjiligi almak ugrundaky ýaryşda ýe­ňiji bolan toparlara hem-de tapawutlanan oýunçylara diplomlardyr ýadygärlik sowgatlar gowşuryldy.

​​​​​​​

​​​​​​​​​​​​​​

Bizi yzarlaň, biziň bilen galyň!