TÝL. "Arkadag" topary – wagtyndan ozal çempion! (28-nji tapgyr)

08.10.2024ý.

Türkmenistanyň futbol çempionatynyň Ýokary ligasynda dördünji aýlawyň heniz ilkinji tapgyrynyň duşuşyklarynyň geçirilendigine garamazdan, «Arkadag» futbol topary düýn – 7-nji oktýabrda bassyr ikinji çempionlygyny yglan etdi.

Topar bu derejä 28-nji tapgyryň möhletinden ozal geçirilen duşuşygynda «Nebitçini» ýeňenden soň mynasyp boldy.

Türkmenistanyň Ýokary Ligasy 2024

28-nji tapgyryň senesi üýtgedilen duşuşygy

07.10.2024ý. (duşenbe)

«ARKADAG» – «Nebitçi» ― 5:1 

[1:0] ― 8' Arslanmyrat Amanow

[2:0] ― 23' Mirza Beknazarow

[3:0] ― 35' Nazar Towakelow

[3:1] ― 37' Baýramgeldi Nurlyýew

[4:1] ― 59' Mekan Saparow

[5:1] ― 83' Enwer Annaýew

Duýduryşlar: 

66' Ylham Azadow («Nebitçi»)

69' Mekan Saparow («ARKADAG»)

Meýdandan çykarylan:  76' Arslanmyrat Amanow («ARKADAG»)

Geçirilen ýeri: Sport mekdep-internatynyň sport desgasy (Gökdepe etr. Babarap obasy)

Duşuşygyň emini: J.Jumamyradow (Aşgabat ş.) 

Kömekçi eminler: M.Allaberdiýew (Aşgabat ş.). A.Weliýew (Änew ş.) 

Ätiýaçdaky emin: H.Gurbanow (Aşgabat ş.) 

Gözegçi emin: H.Rejepow (Aşgabat ş.)

TFF-niň habar berşi ýaly, Gökdepe etrabynyň Babarap obasyndaky Sport mekdep-internatynyň futbol meýdanynda geçirilen duşuşykda «Arkadag» topary 5:1 hasabynda ýeňiş gazandy. Şeýlelikde, topar çempionlygyny Ýokary liganyň taryhyndaky iň ýokary görkezijileriň biri bilen gazandy.

Çempionatyň ýaryş tablisasy: 08.10.2024ý.

Netijeli futbolçylaryň sanawy: 08.10.2024ý.

Mälim bolşy ýaly, çempion ýaryş tertibindäki iň ýakyn bäsdeşinden 23 utuk öňde. Beýle tapawuda Ýokary liganyň taryhynda juda seýrek gabat gelindi.

2023-nji ýylyň baharynda döredilen toparyň Ýokary ligadaky ilkinji möwsüminde hem çempion bolandygyny ýatladýarys! Şu möwsümdäki çempionlyk häzirki zaman türkmen futbolynyň iň şöhratly toparyna 2025-2026-njy ýyllaryň möwsüminde hem yklym ýaryşlaryna gatnaşmak hukugyny berýär.

«Janköýer» topary gazanan bassyr ikinji çempionlygy bilen gutlaýar we geljekde hem üstünlikleri arzuw edýär!