UCL. 2-nji tapgyryň duşuşyklary: “Arsenal” – PSŽ, “Baýer” – “Milan”

​​​30.09.2024ý.

UEFA Çempionlar Ligasynda 2-nji tapgyryň duşuşyklary geçiriler. Sişenbe we çarşenbe günleri, ýagny 1-2-nji oktýabrda futbol janköýerlerine biri-birinden gyzykly 18 duşuşyk garaşýar.

Tapgyryň iň esasy 2 oýny sişenbe güni oýnalar. Ýagny “Arsenal” – PSŽ, “Baýer” – “Milan” tapgyryň iň esasy 2 duşuşygy hökmünde görülýär. Bu duşuşyklaryň ikisi-de 00:00-da başlanar. 1-nji tapgyrda utulan “Barselona” öz meýdançasynda “Ýang Boýzy” kabul eder. Şol sanda “Interiň” myhmany “Srwena Zwezda” topary bolar. “Mançester Siti” bolsa myhmançylykda “Slowan Bratislawa” bilen güýç synanyşar.

Çarşenbe gününde, iň ünsi çekýän duşuşyk Angliýada oýnalar. 1982-nji ýylyň çempiony “Aston Willa” şol ýyl finalda ýeňen garşydaşy “Bawariýa” bilen ençeme ýyldan soň bu ýaryşda duşuşar. “Liwerpul” “Milandan” soň başga bir italýan kluby “Bolonýa” bilen öz meýdançasynda güýç synanyşar. “Real Madrid” Fransiýada “Lill” toparynyň myhmany bolar. Duşuşykda Tibo Kurtua oýnamaz. Şol sanda Mbappeniň hem oýnamagyna garaşylanok. Germaniýada-da “Leipsig” bilen “Ýuwentusyň” arasyndaky duşuşyk köpleriň ünsüni özüne çekýär. “Benfika” – “Atletiko” duşuşygynyň hem çekeleşikli geçmegine garaşylýar.

1-nji oktýabr sişenbe

21:45 RB Salsburg – Brest

21:45 Ştutgart – Sparta Praga

00:00 Arsenal – PSŽ

00:00 Baýer – Milan

00:00 Borussiýa Dortmund – Seltik

00:00 Barselona – Ýang Boýz

00:00 Inter – Srwena Zwezda

00:00 PSW – Sporting

00:00 Slowan Bratislawa – Mançester Siti

2-nji oktýabr çarşenbe

21:45 Şahtýor Donesk – Atalanta

21:45 Žirona – Feýenoord

00:00 Aston Willa – Bawariýa

00:00 Dinamo Zagreb – Monako

00:00 Liwerpul – Bolonýa

00:00 Lill – Real Madrid

00:00 Leipsig – Ýuwentus

00:00 Şturm Gras – Klub Brýugge

00:00 Benfika – Atletiko