www.jankoyer.com.tm
TÝB. 25-nji tapgyryň üç duşuşyklary üç günde geçiriler.
17.09.2024ý.
Ýokary liganyň ýaşlar düzümleriniň arasyndaky birinjilikde 25-nji tapgyryň duşuşyklary üç günläp geçiriler. Duşuşyklary Aşgabat, Balkanabat we Mary şäherleri kabul eder.
21-nji sentýabrda Balkanabat şäherinde ýerli "Nebitçi-II" paýtagtyň "Aşgabat" toparynyň ýaşlar düzümini kabul eder. Tapgyryň bu jübütleriniň arasyndaky duşuşyk senenama laýyklykda, Aşgabat şäherinde geçirilmelidi. Ýöne toparlaryň özara ylalaşygy esasynda üçünji we dördünji aýlawlaryň duşuşyklarynyň ýeri çalşyldy.
22-nji sentýabrdaky paýtagt derbisinde "Köpetdagyň" ýaşlary "Altyn Asyryň" ýaşlar düzümini kabul eder. 23-nji sentýabrda bolsa "Merw-II" öz meýdanynda "ARKADAG-II" bilen güýç synanyşar. Tapgyrdaky "Ahal-II" - "Şagadam-II" duşuşygy ýer eýeleriniň futbolçylarynyň aglabasynyň Türkmenistanyň 20 ýaşa çenli ýaşlar ýygyndysynyň hatarynda Aziýanyň kubogy - 2025-iň saýlama tapgyryna gatnaşýandygy sebäpli ätiýaçdaky günleriň birine geçirildi.
Türkmenistanyň Ýaşlar Birinjiligi 2024
25-nji tapgyryň duşuşyklary:
21.09.2024ý. (şenbe)
16:00 I «Nebitçi-II» – «Aşgabat-II»
Geçirilýän ýeri: «Sport toplumy» stadiony (Balkanabat ş.)
Duşuşygyň emini: Ruslan Ereşow (Türkmenabat ş.)
Kömekçi eminler: K.Sapaýew (Daşoguz ş.), A.Annamyradow (Balkanabat ş.)
Ätiýaçdaky emin: J.Jumamyradow (Aşgabat ş.)
Gözegçi emin: M.Öwezdurdyýew (Mary ş.)
22.09.2024ý. (ýekşenbe)
16:00 I «Köpetdag-II» – «Altyn Asyr-II»
Geçirilýän ýeri: «Köpetdag» stadiony (Aşgabat ş.)
Duşuşygyň emini: Halmyrat Gurbanow (Aşgabat ş.)
Kömekçi eminler: M.Allaberdiýew (Aşgabat ş.), H.Abdiýazow (Daşoguz ş.)
Ätiýaçdaky emin: B.Atdyýew (Tejen ş.)
Gözegçi emin: H.Rejepow (Aşgabat ş.)
23.09.2024ý. (duşenbe)
16:00 I «Merw-II» – «ARKADAG-II»
Geçirilýän ýeri: «Sport toplumy» stadiony (Mary ş.)
Duşuşygyň emini: S.Gurbanow (Balkanabat ş.)
Kömekçi eminler: S.Çaryýew (Mary ş.), W.Baluýans (Türkmenabat ş.)
Ätiýaçdaky emin: Ş.Hydyrow (Balkanabat ş.)
Gözegçi emin: Ş.Durdyýew (Aşgabat ş.)
«Ahal-II» – «Şagadam-II» – ätiýaçdaky güne geçirildi.
Çeşme: TFF
