Futzal. Asyryň iň tiz geçirilen goly hasaba alyndy

19.09.2024ý.

Halkara futbol federasiýasy (FIFA) Gazagystanyň ýygyndysynyň futzalçysy Biržan Orazowyň futzal boýunça dünýä çempionatynda Ispaniýanyň derwezesinden girizen goluny (1:1) asyryň rekordy hökmünde bellige aldy.

Bu çempionat häzirki wagtda Özbegistanda geçirilýär.

«Orazowyň göni 7 sekuntda (resmi ýagdaýda – 5 sekuntda) girizen goly, biziň asyrymyzda FIFA-nyň futzal boýunça dünýä çempionatlarynda bellige alan iň çalt geçirilen goly boldy» diýip, guramanyň resmi saýtynda bellenilýär.

Gazagystanyň ýygyndysy dünýä çempionatynda ikinji duşuşygyny düýn Liwiýanyň ýygyndysy bilen geçirdi. Gazak ýygyndysy toparçalaýyn tapgyryň ahyrky duşuşygyny bolsa 21-nji sentýabrda Täze Zelandiýanyň ýygyndysy bilen geçirer.

Bizi yzarlaň, biziň bilen galyň!