AFC CL Two. "Altyn Asyr" "Eýr Forsdan" asgyn geldi

19.09.2024ý.

«Altyn Asyr» AFK-nyň ikinji derejeli Çempion ligasynyň toparçalaýyn tapgyrynda ilkinji duşuşygyny geçirdi.

Düýn, 18-nji sentýabrda Yrak döwletiň paýtagty Bagdat şäheriniň «Al-Madina» halkara stadionynda AFK-nyň ikinji derejeli Çempion ligasynyň birinji tapgyrynda AFK-nyň kubogynyň 2018-nji ýylynyň Çempiony – Yragyň «Eýr Fors» topary Türkmenistanyň at gazanan tälimçisi Ýazguly Hojageldiýewiň şägirtleri, ýagny «Altyn Asyry» kabul etdi. Oýun 2:1 hasabynda ýer eýeleriň peýdasyna tamamlandy. Duşuşygyň birinji ýarymy 0:0 hasabynda tamamlandy.

Ikinji ýarymyň eýýäm 5-nji minutda Karlos Salazar gol urup hasaby açdy – 1:0.

70-nji minutda «Altyn Asyryň» hüjümçisi Myrat Annaýew owadan gol geçirip hasaby deňledi – 1:1.

Ýer eýeleriň hüjümçisi Hiran Ahmed duşuşygyň 79-njy minutda oýuna girip, 89-njy minutda oýunyň ýeňiş goluny urdy – 2:1.

AFK-nyň ikinji derejeli Çempionlar ligasy

1-nji tapgyr: 18.09.2024ý

«Eýr Fors» (Yrak) – «Altyn Asyr» (Türkmenistan) – 2:1

[0:1] – 50' Carlos Salazar 

[1:1] – 70' Myrat Annaýew

[2:1] – 89' Hiran Ahmed

Duýduryşlar:

31' Batyr Babaýew («Altyn Asyr»)

72' Myrat Annaýew («Altyn Asyr»)

82' Abdyrahman Annamyradow («Altyn Asyr»)

84' Ruslan Täjiýew («Altyn Asyr»)

Meýdandan çykarylan: 90'+6 Döwletgeldi Mirsultanow («Altyn Asyr»)

«Altyn Asyr» futbol klubynyň meýdança çykan düzümi:

[1] Batyr Babaýew (d.)

[2] Zafar Babajanow

[3] Şöhrat Söýünow

[7] Myrat Annaýew (84' - [13] Mihail Titow)

[8] Ahmet Ataýew (k.)

[10] Rahman Myratberdiýew ( 76' - [4] Abdyrahman Annamyradow)

[12] Serdar Annaorazow 

[22] Röwşengeldi Halmämmedow ( A' - [17] Begençmyrat Myradow) (68' - [23] Söhbet Durdyýew)

[24] Ruslan Täjiýew 

[33] Hoşgeldi Hojowow 

[77] Selim Nurmyradow 

Ätiýaçdaky düzüm: 

[16] Döwletmuhammet Jallatow (d.) 

[23] Wahyt Wahydow (d.) 

[5] Ýakupberdi Baýramgeldiýew 

[9] Wahyt Orazsähedow 

[11] Arslan Saparow 

[18] Döwletgeldi Mirsultanow 

[27] Meýlis Gaýlyýew 

[29] Muhammetali Kişikow 

Baş tälimçi: Ýazguly Hojageldiýew 

Geçirilen ýeri: «Al-Madina» halkara stadiony (Bagdat şäheri, Yrak)

Başlanan wagty: 23:00 (Aşgabat wagty bilen)

«B» toparçanyň ugurdaş duşuşygynda Saud Arabystanynyň «Al-Tawun» topary myhmançylykda Riffa şäherindäki Bahreýn milli stadionynda «Al-Haldiýadan» 3:2 hasabynda üstün çykdy.

AFK-nyň ikinji derejeli Çempionlar ligasy

1-nji tapgyrdan soň «B» toparçadaky ýaryş tablisasy: 19.09.2024ý.

Toparçada 2-nji tapgyryň duşuşyklary 2-nji oktýabrda geçiriler. Şol gün "Al-Tawum" "Eýr Forsyň" myhmany bolar, "Altyn Asyr" bolsa "Aşgabat" köpugurly stadionynda "Al-Haldiýany" kabul eder.

Bellik: Oýunlaryň wideoobzorlaryny «Janköýer» aplikasiýasynyň «Media» bölüminiň «Wideoreportaž» bölüminiň içinde «AFC Champions League Two» bölüminde elýeterdir.

---

Bizi yzarlaň, biziň bilen galyň!