Ýaşlar ýygyndymyz Gyrgyzystana gitdi

17.09.2024ý.

Türkmenistanyň futbol boýunça 20 ýaşa çenli ýaşlar ýygyndysy Aziýanyň kubogy 2025-iň saýlama tapgyryndaky duşuşyklary üçin Gyrgyzystana ugrady. Baş tälimçi Döwletmyrat Annaýewiň ýolbaşçylygyndaky toparda "ARKADAG", "Ahal", "Aşgabat", "Merw", "Şagadam" we "Altyn Täç" klublarynyň 24 futbolçysy jemlenildi. Saýlama tapgyryň duşuşyklary Gyrgyzystanda geçiriler. Ilkinji oýun 25-nji sentýabrda Ýaponiýanyň ýygyndysyna garşy bolar, 27-nji sentýabrda Gyrgyzystanyň ýygyndysy bilen duşuşyk geçiriler, we jemleýji oýun 29-njy sentýabrda Mýanma garşy bolar. Aziýanyň kubogy 2025-iň final tapgyry 6-23-nji fewralda Hytaýda geçiriler. Toparçadaky ýeňiji we iň gowy bäş ikinji ýeriň eýesi final tapgyryna gatnaşar.

Bizi yzarlaň, biziň bilen galyň!