Italiýanyň 70 ýyldan soň myhmançylykdaky ilkinji ýeňşi.

07.09.2024ý.

UEFA Milletler Ligasynda “A” Ligasynyň 2-nji toparçasynda Fransiýanyň ýygyndysy öz meýdançasynda Italiýanyň ýygyndysyny kabul etdi. Duşuşyga fransuz eýýäm Nikola Barkolanyň 14-nji sekuntda geçiren goly bilen 1-0 öňde başlady. Bu gol Fransiýanyň milli ýygyndysynyň taryhyndaky iň çalt gol hökmünde hasaba alyndy. Ýöne soňlugy bilen özüni dürsän italýanlar 30-njy minutda Federiko Dimarko örän ajaýyp gol bilen hasaby deňledi. 51-nji minutda Dawide Frattezi italýanlary öňe çykarsa, 74-nji minutda Jakomo Raspadori aratapawudy 2 gola ýetirdi. Netijede, 3-1 hasabynda ýeňiş gazanan Italiýanyň ýygyndysy boldy.

Italiýanyň ýygyndysy Fransiýany 1954-nji ýyldan soň ilkinji gezek myhmançylykda ýeňlişe sezewar etdi. Şol bir wagtyň özünde soňky 25 ýylda myhmançylykda Fransiýanyň derwezesinden 3 gol geçiren ilkinji topar boldy. Soňky sapar Russiýa 1999-njy ýylda “Stad de Fransda” 3-2 hasabynda ýeňiş gazanypdy.

Toparçadaky beýleki duşuşykda Belgiýanyň ýygyndysy öz meýdançasynda Ysraýylyň ýygyndysyny 3-1 hasabynda ýeňdi. Belgiýanyň gollarynyň Kewin de Bruýne (21, 52 p) bilen Tilemans (48) geçirdi.

9-njy sentýabrda Fransiýa Lionda Belgiýa bilen, Italiýa bolsa Budapeştde Ysraýyl bilen duşuşar.

Çeşme: Zaman-Türkmenistan