News

Ýygyndymyzyň düzümi mälim edildi.

Futbol boýunça Türkmenistanyň milli ýygyndysy ýerli hünärmen Mergen Orazowyň tälimçiliginde “CAFA Nations Cup 2023” atly halkara ýaryşyna taýýarlygynyň çäginde 2-9-njy iýun aralygynda Moskwa oblastynyň Ýegorýewsk şäherinde (Russiýa) okuw-türgenleşik ýygnanyşygyny geçirer.

Ýygyndy toparymyzyň gutarnykly sanawyna oýunçylaryň 25-siniň çagyrylandyklaryny bellemek gerek.

Futbol boýunça Türkmenistanyň milli ýygyndysy halkara ýaryşynda «A» toparçada bäsleşer. Ýygyndy toparymyzyň garşydaşlary Özbegistanyň, Täjigistanyň hem-de Omanyň ýygyndylary bolar. Bu toparçanyň duşuşyklary Daşkent şäherinde geçiriler.

Merkezi Aziýanyň Futbol assosiasiýasy tarapyndan guralýan “CAFA Nations Cup-2023” halkara ýaryşynyň 10 ― 20-nji iýun aralygynda Daşkent hem-de Bişkek şäherlerinde geçirilýändigini ýatladýarys.

Ýurdumyzyň milli ýygyndysy halkara ýaryşyndaky ilkinji duşuşygyny 11-nji iýunda Täjigistanyň ýygyndy topary bilen geçirer. Daşkendiň «Pahtakor» stadionynda geçiriljek duşuşyk Aşgabat wagty bilen 18:30-da başlanar.

Ýygyndy toparymyzyň ikinji garşydaşy Özbegistanyň milli ýygyndysy bolar. 14-nji iýunda «Bunýodkor» stadionynda geçiriljek bu duşuşyk Aşgabat wagty bilen 20:30-da başalanar.

Milli ýygyndymyz 17-nji iýunda soňky duşuşygyny geçirip, onda Omanyň ýygyndy topary bilen duşuşar. «Pahtakor» stadionynda geçiriljek bu duşuşyk 20:30-da başlanar.

“CAFA Nations Cup-2023” halkara ýaryşynyň toparçalaýyn bäsleşigi bir aýlawdan ybarat bolar. Toparçalaryň ýeňijileri finalda, ikinji orny eýelän ýygyndylar bolsa üçünji orun ugrundaky duşuşyga gatnaşmaga mümkinçilik alarlar.

Türkmenistanyň futbol boýunça milli ýygyndy toparynyň düzümi:

Derwezeçiler:

Rasul Çaryýew - “Arkadag” FK

Batyr Babaýew - “Altyn Asyr” FK

Döwletýar Berdiýew - “Köpetdag” FK

Goragçylar:

Ata Geldiýew - “Ahal” FK

Güýçmyrat Annagulyýew - “Arkadag” FK

Abdy Bäşimow - “Arkadag” FK

Mekan Saparow - “Arkadag” FK

Arzuwguly Sapargulyýew - “Arkadag” FK

Ybraýym Mämmedow - “Arkadag” FK

Yhlas Toýjanow - “Arkadag” FK

Ýarymgoragçylar:

Arslanmyrat Amanow - “Arkadag” FK

Altymyrat Annadurdyýew - “Arkadag” FK

Ahmet Ataýew - “Altyn Asyr” FK

Ilýa Tamurkin - “Arkadag” FK

Begmyrat Baýow - “Arkadag” FK

Myrat Annaýew - “Altyn Asyr” FK

Resul Hojaýew - “Arkadag” FK

Welmyrat Ballakow - “Arkadag” FK

Yhlas Saparmämmedow - “Arkadag” FK

Meýlis Diniýew - “Ahal” FK

Teýmur Çaryýew - “Abdyş-Ata” FK, Gyrgyz Respublikasy

Mirza Beknazarow - “Narwa-Trans” FK, Estoniýa Respublikasy

Hüjümçiler:

Didar Durdyýew - “Arkadag” FK

Begenç Akmämmedow - “Arkadag” FK

Şanazar Tirkişow - “Arkadag” FK

Tälimçiler düzümi: Mergen Orazow – baş tälimçi, Mekan Muhammetmyradow, Welsähet Öwezow, Kemal Gurbanow, Batyr Rozyýew, Ildar Täşliýew, Pawel Matus – baş tälimçiniň kömekçileri.

Çeşme: TFF