![](http://jankoyer.com.tm/uploads/news/2024-07-01T10-25-06.172Z_6.jpg)
EURO 2024. Ispaniýa – dördünji çärýek finalçy
01.07.2024ý.
Ýewropanyň çempiony bolmaga esasy dalaşgärleriň biri hökmünde garalýan Ispaniýanyň milli ýygyndysy ýaryşyň gowy netije görkezýän ýygyndylarynyň biri bolan Gruziýany öýüne ýollady.
Duşuşygyň heniz 18-nji minudynda Gruziýa Le Normanyň öz derwezesine geçiren goly bilen garaşylmadyk ýagdaýda öňe saýlanan hem bolsa, birinji bölümiň ahyrynda Rodri hasaby deňledi – 1:1.
Ikinji ýarymda bolsa oýun tutuşlygyna ispanlaryň ygtyýarynda boldy. Bu ýarymda Ruis, Uilýams we Olmo tapawutlanyp, duşuşygyň Ispaniýanyň peýdasyna 4:1 hasabynda tamamlanmagyna sebäp boldular.
Şeýlelikde, Ispaniýa çärýek finala ýollanma alan dördünji ýygyndy boldy. Indi Luis de la Fuentanyň şägirtleri ýer eýeleri – Germaniýa bilen güýç synanyşarlar.
Ýewro 2024, 1/8 final. 30.06.2024ý. (ýekşenbe)
Ispaniýa – Gruziýa – 4:1 (1:1)
[0:1] – 18' (ö.d.) Le Norman;
[1:1] – 39' Rodri;
[2:1] – 51' Fabian Ruis;
[3:1] – 75' Uilýams;
[4:1] – 83' Olmo.