“Bawariýa” ýaponiýaly goragçyny 30 million ýewro transfer etdi

13.06.2024ý.

13 ýyldan soň möwsümi ýeke kubok gazanmazdan tamamlan “Bawariýa” topary täze möwsümiň ilkinji transferini amala aşyrdy. Tomas Tuheliň ornuna Wensan Kompanini tälimçilige bellän münhenliler “Bundesligany” “Bawariýadan” öňe geçip, 2-nji orunda tamamlan “Ştutgart” toparynyň ýaponiýaly goragçysy Hiroki Itony transfer etdi.

“Bawariýa” 25 ýaşly oýunçynyň transferi üçin “Ştutgart” toparyna 30 million ýewro berer. “Ştutgart” Itony 2022-nji ýylda 400 müň ýewro transfer edipdi. Ito “Ştutgartda” 97 oýunda 2 gol geçirdi.