www.jankoyer.com.tm
TNFL. 5-nji tapgyryň duşuşyklary geçirildi
21.05.2024ý.
Şu gün ― 21-nji maýdan başlap, futzal boýunça Türkmenistanyň Naýbaşy ligasynyň Balkan welaýatyndaky duşuşyklaryna badalga berildi.
Türkmenistanyň Naýbaşy futzal ligasynyň Balkan tapgyry «Awaza» milli syýahatçylyk zolagynda ýerleşýän «Awaza» sport toplumynyň meýdançasynda 5-nji tapgyryň duşuşyklary bilen başlandy.
Ozal habar berlişi ýaly, Aşgabatdan, Balkandan we Daşoguzdan alty futzal topary Türkmenistanyň çempionlygy ugrunda göreşýär.
5-nji tapgyryň birinjiligi ugrunda milli çempionatyň lideri «Senagatbank» topary bilen Türkmenistanyň häzirki wise-çempiony «Köpetdag» topary duşuşdy.
Mundan öň dört duşuşykda dört ýeňiş gazanan Mergen Ataýewiň topary oýna yhlasly başlady. 11-nji we 17-nji minutlarda Rahatmyrat Nepesow iki pökgi geçirdi we toparlar 2:0 hasabynda «Senagatbank» toparynyň peýdasynda arakesmä çykdylar. 26-njy minutda Nepesgeldi Ataýew lideriň artykmaçlygyny üç pökgä çenli artdyrdy. 31-nji minutda Mülkaman Annagulyýew bir pökgi geçirse-de, «Köpetdag» topary ýeňlişden gutulyp bilmedi. 3:1 hasabynda bassyr bäşinji ýeňşini gazanan «Senagatbank» topary Türkmenistanyň Naýbaşy futzal ligasynynyň birinji tapgyrynda 15 utuk bilen birinji orny eýeledi. Türkmenistanyň häzirki dört gezek çempiony «Deňizçi» topary liderden 3 utuk yzda, ol 5-nji tapgyrda TNGIZT-ny 2:1 hasabynda ýeňdi.
Oýnuň birinji ýarymynda iki tarapam üstünlik gazanyp bilmedi. Ikinji ýarymynda bolsa TNGIZT-nyň futzalçylary Abdylla Nursähedowyň (22-nji minutda) we Kadyr Berenowyň (29-njy minutda) iki pökgüsine Çaryýar Gurbanniýazowyň oýnuň soňky minutynda ýeke takyk urgusy bilen jogap berdiler.
5-nji tapgyryň başga bir oýnunda «Migrasiýa» topary Daşoguzyň «Turan» toparyny 6:1 hasabynda ýeňlişe sezewar etdi. Ýeňijilerden Täçmämmet Dynnyýew (6-njy we 18-nji minutlarda) we Ysmaýylmuhammet Öwekow (14-nji we 25-nji minutlarda) iki, Balkan Durdyýew (12-nji minutda) we Ezizmämmet Begmämmedow (37-nji minutda) bir gezek pökgi geçirdiler. Ýeňilenlerden Nurmyrat Baýramdurdyýew (28-nji minutda) abraý pökgüsini saldy.
Bu ýeňişden soň «Migrasiýa» topary 6 utuk toplap, 7 utuk bilen üçünji orunda barýan «Köpetdag» toparyna golaýlaşdy.
Türkmenistanyň 2024-nji ýylda Naýbaşy futzal ligasynyň indiki, 6-njy tapgyrynda «Turan» – «Deňizçi», TNGIZT – «Köpetdag» we «Senagatbank» – «Migrasiýa» duşuşarlar.
Ýaryşyň günbatar sebitdäki duşuşyklary Türkmenistanyň Içeri işler ministrliginiň «Awaza» milli syýahatçylyk zolagyndaky «Awaza» sport toplumynyň zalynda geçirilýär. Bu ýerde 21-23-nji maý aralygynda liganyň 5-7-nji tapgyrlarynyň duşuşyklary geçiriler.
Türkmenistanyň Naýbaşy Futzal Ligasy – 2024
I aýlaw
5-nji tapgyryň duşuşyklary: 21.05.2024ý. (sişenbe)
«Senagatbank» – «Köpetdag» – 3:1 (2:0)
[1:0] – 11' Rahatmyrat Nepesow
[2:0] – 17' Rahatmyrat Nepesow
[3:0] – 26' Nepesgeldi Ataýew
[3:1] – 31' Mülkaman Annagulyýew
Duýduryşlar:
12' Gurbangeldi Sähedow (“Köpetdag”)
16' Allaberdi Meredow (“Köpetdag”)
23' Röwşen Orazmuhammedow (“Senagatbank”)
Duşuşygyň eminleri:
Emin: Timur Ramazanow (Aşgabat ş.)
Ikinji emin: Mekan Toýlyýew (Aşgabat ş.)
Üçünji emin: Döwran Arazgeldiýew (Balkanabat ş.)
Wagta gözegçi emin: Annamämmet Mämmedow (Aşgabat ş.)
TNGIZT – «Deňizçi» – 1:2 (0:0)
[0:1] – 22' Abdylla Nursähedow
[0:2] – 29' Kadyr Berenow
[1:2] – 39' Çayýar Gurbanniýazow
Duýduryş: 23' Kirill Çaryýew ("Deňizçi")
Duşuşygyň eminleri:
Emin: Ýunus Gulemirow (Kaka ş.)
Ikinji emin: Söhbet Çaryýew (Tejen ş.)
Üçünji emin: Annamämmet Mämmedow (Aşgabat ş.)
Wagta gözegçi emin: Merjen Bagşyýewa (Mary ş.)
«Migrasiýa» – «Turan» – 6:1 (4:0)
[1:0] – 6' Täçmämmet Dynnyýew
[2:0] – 12' Balkan Durdyýew
[3:0] – 14' Ysmaýylmuhammet Öwekow
[4:0] – 18' Täçmämmet Dynnyýew
[5:0] – 25' Ysmaýylmuhammet Öwekow
[5:1] – 28' Nurmyrat Baýramdurdyýew
[6:1] – 37' Ezizmämmed Begmämmedow
Duýduryş: 36' Abdylla Gurbannepesow ("Migrasiýa")
Duşuşygyň eminleri:
Emin: Döwran Arazgeldiýew (Balkanabat ş.)
Ikinji emin: Guwanç Amirow (Mary ş.)
Üçünji emin: Mekan Toýlyýew (Aşgabat ş.)
Wagta gözegçi emin: Merjen Bagşyýewa (Mary ş.)
II aýlaw
6-njy tapgyryň duşuşyklary: 22.05.2024ý. (çarşenbe)
11:00 I «Turan» – «Deňizçi»
Duşuşygyň eminleri:
Emin: Mekan Toýlyýew (Aşgabat ş.)
Ikinji emin: Söhbet Çaryýew (Tejen ş.)
Üçünji emin: Annamämmet Mämmedow (Aşgabat ş.)
Wagta gözegçi emin: Guwanç Amirow (Mary ş.)
13:00 I TNGIZT – «Köpetdag»
Duşuşygyň eminleri:
Emin: Timur Ramazanow (Aşgabat ş.)
Ikinji emin: Ýunus Gulemirow (Kaka ş.)
Üçünji emin: Merjen Bagşyýewa (Mary ş.)
Wagta gözegçi emin: Annamämmet Mämmedow (Aşgabat ş.)
15:00 I «Senagatbank» – «Migrasiýa»
Duşuşygyň eminleri:
Emin: Mekan Toýlyýew (Aşgabat ş.)
Ikinji emin: Döwran Arazgeldiýew (Balkanabat ş.)
Üçünji emin: Guwanç Amirow (Mary ş.)
Wagta gözegçi emin: Merjen Bagşyýewa (Mary ş.)
7-nji tapgyryň duşyşyklary: 23.05.2024ý. (penşenbe)
11:00 | «Migrasiýa» – TNGIZT
13:00 I «Senagatbank» – «Turan»
15:00 I «Köpetdag» – «Deňizçi»
Bellik: Türkmenistanyň Naýbaşy Futzal Ligasynyň 5-6-7-nji tapgyrlarynyň duşuşyklary Türkmenistanyň Içeri işler ministrliginiň Balkan welaýatynyň Türkmemnbaşy şäheriniň «Awaza» milli syýahatçylyk zolagynda ýerleşýän «Awaza» sport toplumynyň zalynda geçirilýär.
Ýaryş tablisasy: 21.05.2024ý.
Netijeli futzalçylaryň sanawy: 21.05.2024ý.
Gyzykly duşuşyklara tomaşa etmäge isleg bildirenleriň ählisini futzal ýaryşyna tomaşa etmäge çagyrýarys.
Ýaryşyň tertibi, täzelikleri, esasy zat bolsa, onlaýn hasaby ilki bilen «Janköýerde»!
Bizi yzarlaň, biziň bilen galyň!
Bellik: Habarda Türkmenistanyň «Türkmenistan: Altyn asyr» (www.turkmenistan.gov.tm) saýtyndan maglumatlar ulanylandyr.
.jpg)
 (2).jpg)
.gif)
.gif)
.gif)
