TÝL. Transfer: Mirsultanow "Altyn Asyra" dolanyp geldi

12.01.2024ý.

Tejribeli goragçy Döwletgeldi Mirsultanow ýene-de paýtagtyň «Altyn Asyr» toparyna gaýdyp geldi. Bu barada topar «TikTok»-daky hasaby arkaly habar berdi.

Mirsultanow geçen möwsümi «Nebitçide» geçiripdi. Ol Balkanabat şäheriniň topary bilen Türkmenistanyň çempionatynda bürünç medala mynasyp boldy. «Altyn Asyryň» Türkmenistanyň at gazanan tälimçisi Ýazguly Hojageldiýewiň ýolbaşçylygynda 8-nji ýanwarda täze möwsüme taýýarlanyp başlandygyny ýatladýarys. Transfer habarlary barada aýdylanda bolsa, mundan ozal «Ahalyň» düzümini ýaş oýunçylaryň ikisi bilen güýçlendirendigini habar beripdik.