SPL. “Al-Ittihad” toparynyň täze tälimçisi mälim edildi

20.11.2023ý.

Saud Arabystanynyň öňdebaryjy klublaryndan “Al-Ittihad” toparynyň täze tälimçisi belli boldy. Portugaliýaly Nuno Eşpirito Santony 10 gün öň wezipesinden boşadan Jidda şäheriniň wekiline argentinaly Marselo Galýardo tälim berer. 47 ýaşyndaky tälimçi arap kluby bilen 2+2 ýyllyk şertnama baglaşdy. Galýardo 2022-nji ýyldan bäri hiç bir kluba tälim berenokdy. Ol 2014-2022-nji ýyllar aralygynda Argentinanyň meşhur klublaryndan “Riwer Pleýt” toparyna tälim beripdi. Galýardo bu klubda Libertadores Kubogyny 2 gezek, şol sanda Argentinanyň çempionlygyny hem-de Argentinanyň Kubogyny 3 sapar eýeläpdi. Karim Benzema, Ngolo Kante, Fabinio ýaly ýyldyz oýunçylaryň çykyş edýän “Al-Ittihad” topary çempionatda sanawyň lideri “Al Hilal” toparyndan 11 utuk yzda, 5-nji orunda barýar.